మళ్లీ టాప్​లోకి ఆసీస్- పాయింట్ తేడాతో రెండో స్థానంలో భారత్- ఐసీసీ ర్యాంకింగ్స్ రిలీజ్

Test Team Rankings 2024: ఐసీసీ శుక్రవారం రిలీజ్ చేసిన టెస్టు ర్యాంకింగ్స్​లో ఆస్ట్రేలియా మళ్లీ అగ్రస్థానానికి చేరుకుంది. ఒక పాయింట్ తేడాతో టీమ్ఇండియా రెండో ప్లేస్​లో కొనసాగుతుంది.

Test Team Rankings 2024: ఐసీసీ టెస్టు టీమ్ ర్యాంకింగ్స్​లో ఆస్ట్రేలియా టాప్​లోకి దూసుకెళ్లింది. ​తాజాగా పాకిస్థాన్​పై వరుసగా రెండు మ్యాచ్​ల్లో నెగ్గడం వల్ల ర్యాంకింగ్స్​లో ఆసీస్ పుంజుకుంది. ప్రస్తుతం ఆసీస్ 118 రేటింగ్స్​తో అగ్రస్థానంలో ఉండగా, టీమ్ఇండియా (117 రేటింగ్స్​) ఒక్క పాయింట్ తేడాతో రెండో ప్లేస్​లోకి పడిపోయింది.

'స్వదేశంలో పాకిస్థాన్​తో జరుగుతున్న టెస్టు సిరీస్​లో రెండు మ్యాచ్​ల్లో విజయం సాధించడం వల్ల ఆస్ట్రేలియా మళ్లీ నెం.1 స్థానాన్ని దక్కించుకుంది. ఇక సౌతాఫ్రికా పర్యటనలో తొలి టెస్టులో ఓడిన భారత్ రెండో స్థానానికి పడిపోయింది' అని ఐసీసీ పేర్కొంది.

ర్యాంకింగ్స్​లో టాప్-5లో ఉన్న జట్లు

• తొలి స్థానం- ఆస్ట్రేలియా- 118 రేటింగ్స్​
• రెండో స్థానం- భారత్- 117 రేటింగ్స్
• మూడో స్థానం- ఇంగ్లాండ్- 115 రేటింగ్స్
• నాలుగో స్థానం- సౌతాఫ్రికా- 106 రేటింగ్స్
• ఐదో స్థానం- న్యూజిలాండ్- 95 రేటింగ్స్​

  • A new No.1 side is crowned in the @MRFWorldwide ICC Men's Test Team Rankings 👑
    
    More ⬇️

    — ICC (@ICC) January 5, 2024 " class="align-text-top noRightClick twitterSection" data="

    A new No.1 side is crowned in the @MRFWorldwide ICC Men's Test Team Rankings 👑
    
    More ⬇️

    — ICC (@ICC) January 5, 2024

    ">

    A new No.1 side is crowned in the @MRFWorldwide ICC Men's Test Team Rankings 👑
    
    More ⬇️

    — ICC (@ICC) January 5, 2024

Aus vs Pak 3rd Test: ఆస్ట్రేలియా స్వదేశంలో పాకిస్థాన్​తో మూడు మ్యాచ్​ల టెస్టు సిరీస్ ఆడుతోంది. తొలి రెండు మ్యాచ్​ల్లో నెగ్గిన ఆసిస్, మూడో మ్యాచ్​లోనూ గెలుపు దిశగా పయనిస్తోంది. మూడో టెస్టులో తొలి ఇన్నింగ్స్ (313-10)​లో అదరగొట్టిన పాక్, రెండో ఇన్నింగ్స్​లో తడపడింది. మూడో రోజు ముగిసేసరికి పాక్ 68-7తో నిలిచింది. ప్రస్తుతం పాకిస్థాన్ 82 పరుగులు ఆధిక్యంలో కొనసాగుతోంది.

World Test Championship Points Table 2025: మరోవైపు ప్రపంచటెస్టు ఛాంపియన్​షిప్ (డబ్ల్యూటీసీ 2023-25) పాయింట్ల పట్టికలో భారత్​ టాప్​లో కొనసాగుతోంది. ప్రస్తుతం టీమ్ఇండియా 54.16 పాయింట్లతో ఆగ్రస్థానంలో ఉండగా, 50.0 పాయింట్లతో సౌతాఫ్రికా, న్యూజిలాండ్, ఆస్ట్రేలియా, బంగ్లాదేశ్ వరుస స్థానాల్లో ఉన్నాయి.

ICC Test Cricketer Of The Year: 2023 సంవత్సరానికిగాను టెస్టు క్రికెటర్ ఆఫ్​ ది ఇయర్ నామినేషన్స్​ను ఐసీసీ విడుదల చేసింది. ఈ లిస్ట్​లో టీమ్ఇండియా స్టార్ ఆల్​రౌండర్ రవిచంద్రన్ అశ్విన్ మూడోసారి స్థానం దక్కించుకున్నాడు. గతంలో 2016లో టెస్టు క్రికెటర్ ఆఫ్ ది ఇయర్​గా నిలువగా, 2021లో నామినేషన్స్​లో ఉన్నాడు. ఇక ఆశ్విన్​తోపాటు ఈ జాబితాలో ఆస్ట్రేలియా స్టార్ ప్లేయర్ ట్రావిస్ హెడ్, ఉస్మాన్ ఖవాజా, ఇంగ్లాండ్ ప్లేయర్ జో రూట్​ ఉన్నారు.