Teamindia WTC Points: ఐసీసీ ప్రపంచ టెస్టు ఛాంపియన్షిప్లో టీమ్ఇండియాకు మరోసారి షాక్ తగిలింది. ఇప్పటికే ఇంగ్లాండ్తో జరిగిన ఐదో టెస్టులో ఓడి సిరీస్ను పంచుకోవాల్సి వచ్చిన భారత జట్టుకు.. ఫైన్ విధించింది ఐసీసీ. ఈ మ్యాచ్లో స్లో ఓవర్రేటు కారణంగా మ్యాచ్ ఫీజులో 40 శాతం కోత విధించడంతో పాటు 2 పాయింట్లను తగ్గించింది.
ప్రస్తుత ప్రపంచ టెస్టు ఛాంపియన్షిప్ సైకిల్లో టీమ్ఇండియా స్లో ఓవర్రెట్ కారణంగా పాయింట్లు కోల్పోవడం ఇది మూడోసారి. అంతకుముందు ఇదే సిరీస్లోని నాటింగ్హామ్ టెస్టులో రెండు పాయింట్లు, దక్షిణాఫ్రికాతో జరిగిన సెంచూరియన్ టెస్టులో ఓ పాయింట్ కోల్పోయింది. తాజాగా ఎడ్జ్బాస్టన్లోనూ రెండు పాయింట్ల కోత విధించడం వల్ల మొత్తంగా ఐదు పాయింట్లు నష్టపోయింది. దీంతో పాయింట్ల పట్టికలో భారత జట్టు 52.8 శాతంతో నాలుగో స్థానానికి పడిపోయింది. దాయాది దేశం పాకిస్థాన్ 52.38 శాతంతో మూడో స్థానానికి ఎగబాకింది.
6 మ్యాచ్లకు 6 గెలవాలి.. పాయింట్స్ టేబుల్లో తొలి రెండు స్థానాల్లో నిలిచిన జట్లు ఫైనల్ మ్యాచ్ ఆడతాయి. ప్రస్తుత పరిస్థితుల్లో టీమ్ఇండియా ఫైనల్ చేరడం కష్టంగా కనిపిస్తోంది. ప్రపంచ టెస్టు ఛాంపియన్షిప్ సైకిల్లో భాగంగా భారత్ ఆడనున్న తదుపరి సిరీస్లోని 6 మ్యాచ్లకు 6 గెలవాల్సిన పరిస్థితి ఏర్పడింది. సెప్టెంబరు-అక్టోబర్ మధ్య సొంతగడ్డపై ఆస్ట్రేలియాతో 4 టెస్టుల్లో తలపడనుంది. అలాగే బంగ్లాదేశ్ పర్యటనలో రెండు మ్యాచులు ఆడనుంది. ఈ రెండు సిరిస్ల్లోని మొత్తం 6 మ్యాచ్లలో ఆరు గెలిస్తే.. టీమ్ఇండియా 68కిపైగా విన్నింగ్ పర్సంటేజి వచ్చి ఫైనల్ చేరే అవకాశాలు ఉంటాయి. అయితే అదే సమయంలో ఇతర జట్ల ఫలితాలను పరిశీలించాల్సి ఉంటుంది.
ఇదీ చూడండి: టీమ్ఇండియా ఓటమిపై ద్రవిడ్ అలా.. బుమ్రా ఇలా..
