టీ20 వరల్డ్ కప్లో భాగంగా పాకిస్థాన్తో జరిగిన మ్యాచ్లో టీమ్ఇండియా అపురూప విజయాన్ని అందుకుంది. ఇప్పుడదే ఉత్సాహంతో నెదర్లాండ్స్తో పోరుకు సిద్ధమవుతోంది. ఈ క్రమంలోనే ఆటగాళ్లు సిడ్నీ క్రికెట్ గ్రౌండ్లో తమ తొలి నెట్ సెషన్ను పూర్తి చేశారు. ఈ సెషన్లో కెప్టెన్ రోహిత్ శర్మ, కేఎల్ రాహుల్, కోహ్లీ, పంత్, చాహల్ సహా పలువురు ప్లేయర్స్ హుషారుగా పాల్గొన్నారు. అయితే సూర్యకుమార్ యాదవ్, హార్దిక్ పాండ్య, షమీ, భువనేశ్వర్ కుమార్, అర్షదీప్ సింగ్ మాత్రం విశ్రాంతి తీసుకున్నారు.
ఈ ప్రాక్టీస్లో బౌలర్లు, బ్యాటర్లు తీవ్రతతో ఆడారు. అశ్విన్-చాహల్ బౌలింగ్లో రాహుల్-దినేశ్ కార్తిక్ బంతులను ఎదుర్కొన్నారు. అలాగే కార్తి.. కోహ్లీ కలిసి త్రో-డౌన్స్ ప్రాక్టీస్ చేశాడు. పాక్తో మ్యాచ్లో విఫలమైన రోహిత్ శర్మ-రాహుల్ క్రిస్ప్ డ్రైవ్స్ బాగా ప్రాక్టీస్ చేశారు. పంత్ కూడా నెట్స్లో మంచి షాట్లు ఆడుతూ కనిపించాడు. మొత్తంగా ఈ ప్రాక్టీస్ సెషన్ అంతా హెడ్ కోచ్ రాహుల్ ద్రవిడ్, బ్యాటింగ్ కోచ్ విక్రమ్ రాఠోడ్ పర్యవేక్షణలో జరిగింది.
ఇదీ చూడండి: కోహ్లీ ఎఫెక్ట్.. దెబ్బకు యూపీఐ లావాదేవీలు ఢమాల్
