మరోసారి దాయాదుల యుద్ధం- టీ20 వరల్డ్​కప్​లో భారత్xపాక్ మ్యాచ్​ జరిగేది ఇక్కడే!

T20 World Cup 2024 India Vs Pakistan Venue : వచ్చే ఏడాది జరగబోయే టీ20 వరల్డ్​కప్​లో భారత్, పాకిస్థాన్ మధ్య మ్యాచ్​ జరగనుందని తెలుస్తోంది. దీనికోసం ఇప్పటికే వేదిక కూడా ఖరారు చేసినట్లు సమాచారం. ఆ వివరాలు మీకోసం.

T20 World Cup 2024 India Vs Pakistan Venue : వచ్చే ఏడాది యూఎస్​ఏ, వెస్టిండీస్ సంయుక్తంగా ఆతిథ్యమిస్తున్న టీ20 వరల్డ్​కప్​లో భారత్​, పాకిస్థాన్​ మరోసారి తలపడనున్నట్లు తెలుస్తోంది. ఈ రెండు జట్ల మధ్య గ్రూప్​ స్టేజ్​లో మ్యాచ్​ జరగనున్నట్లు ప్రచారం జరుగుతోంది. ఇండియా, పాకిస్థాన్ మ్యాచ్​ను అమెరికాలోనే నిర్వ‌హించాల‌ని ఇంటర్​నేషనల్​ క్రికెట్ కౌన్సిల్- ఐసీసీ నిర్ణ‌యం తీసుకుకున్న‌ట్లు తెలుస్తోంది. ఈ మ్యాచ్‌ న్యూయార్క్ స్టేడియం వేదకగా జరగబోతున్న‌ట్లు సమాచారం. దీనికి సంబంధించిన షెడ్యూల్​పై గురువారం ఐసీసీ, లోకల్​ ఆర్గనైజింగ్ కమిటీలు సంతకం చేసినట్లు వార్తలు వస్తున్నాయి. మరోవైపు ఈ టీ20 వ‌ర‌ల్డ్ షెడ్యూల్‌​లో కొన్ని మార్పులు చేసి త్వరలో ప్రకటించేందుకు ఐసీసీ ప్లాన్ చేస్తున్నట్లు తెలుస్తోంది. దీంతో ఇండియా, పాకిస్థాన్ మ్యాచ్‌పై క్లారిటీ వ‌చ్చే అవ‌కాశం ఉంది.

ఫ్లోరిడాలోని బ్రొవార్డ్ పార్క్, టెక్సాస్​లోని గ్రాండ్​ ప్రైరీ స్టేడియం, న్యూయార్క్​ సమీపంలో ఉన్న లాంగ్ ఐలాండ్‌లోని ఐసెన్‌హోవర్ పార్క్​ వేదికల్లో తాము వరల్డ్​ కప్​ మ్యాచ్​లు నిర్వహిస్తామని అమెరికా ఇప్పటికే తెలిపింది. అయితే ఈ మూడు వేదికల్లో మొదటి రెండు డెడికేటెడ్ క్రికెట్​ గ్రౌండ్​లు. న్యూయార్క్​లో ఈ మెగా టోర్నీ కోసం తాత్కాలికంగా 34,000 సీట్ల సామర్థ్యంతో స్టేడియం నిర్వహిస్తున్నారు. న్యూయార్క్‌లో భారత్, పాకిస్థాన్ దేశాల‌కు చెందిన వారు దాదాపు ఎనిమిది ల‌క్ష‌ల వ‌ర‌కు ఉన్న‌ట్లు స‌మాచారం. ఈ నేప‌థ్యంలో న్యూయార్క్ స్టేడియం క్రికెట్ అభిమానుల‌తో ఫుల్ అయ్యే అవ‌కాశం ఉన్న‌ట్లు చెబుతున్నారు.

టీవీ ప్రేక్షకుల కోసం!
భారత్​ ఆడే మ్యాచ్​లను ప్రత్యేక సమయాల్లో నిర్వహించనున్నట్లు తెలుస్తోంది. అమెరికా, భారత్​కు దాదాపు పదిన్నర గంటల వ్యాత్యాసం ఉంది. దీంతో భారత్​ టీవీ ప్రేక్షకులను అనుకూలంగా అక్కడ ఉదయం మ్యాచ్​ ప్రారంభించేందుకు నిర్వహకులు ఒప్పుకున్నట్లు తెలుస్తోంది.

2024 ICC Mens T20 World Cup : 2024 వరల్డ్​కప్ సంబరం మరో ఆరు నెలల్లో ప్రారంభం కానుంది. టోర్నీలో జూన్ 4 నుంచి 30 వరకు జరగనుంది. ఈ టోర్నమెంట్​ కోసం ఆయా జట్ల ఇప్పటికే సన్నద్ధత ప్రారంభించాయి. ఇక టోర్నీలో ఈ ఎడిషన్​లో 20 జట్లు తలపడనున్నాయి. ఈ 20 జట్లను 5 గ్రూపులుగా విభజించి లీగ్ మ్యాచ్​లు నిర్వహించనున్నారు. ఇక గత 13 ఏళ్లుగా ఐసీసీ టోర్నమెంట్​లో ఛాంపియన్​గా నిలవని టీమ్ఇండియా, పొట్టి కప్పును సీరియస్​గా తీసుకుంది.