ఆస్ట్రేలియా క్రికెటర్ ప్యాట్ కమిన్స్ తండ్రయ్యాడు. అతడి భార్య.. అక్టోబర్ 8న పండంటి మగబిడ్డకు(Pat Cummins child) జన్మనిచ్చింది. ఆ శిశువుకు అల్బీ బోస్టన్ కమిన్స్ అని పేరు పెట్టారు. అయితే.. అదే రోజు కమిన్స్ క్రికెట్ ఆడేందుకు దుబాయ్ వెళ్లాల్సి వచ్చింది. టీ-20 ప్రపంచకప్ కోసం దుబాయ్ బయలుదేరిన ఆసీస్ బృందంలో కమిన్స్ కూడా ఉన్నాడు.
ఈ నేపథ్యంలో.. తన భార్య గర్భధారణ నుంచి శిశువు జననం వరకు కుటుంబంతో గడిపిన మధుర క్షణాలను వీడియో రూపంలో ఇన్స్టాగ్రామ్లో షేర్ చేశాడు. 2021 ఐపీఎల్ సీజన్ మధ్యలోనే ఇంటికి వెళ్లిన కమిన్స్.. అప్పటినుంచి కుటుంబంతోనే గడిపాడు.
- " class="align-text-top noRightClick twitterSection" data="
">
తన భార్య గర్భవతి అయిందనే ఆనందాన్ని ప్యాట్ కమిన్స్ వ్యక్తపరుస్తుండగా ఈ వీడియో మొదలవుతుంది. కమిన్స్ కుటుంబం మొత్తం సంతోషం వ్యక్తం చేస్తుంది. గర్భధారణకు ముందు ఆ తర్వాత ప్యాట్ కమిన్స్ భార్య తన మధురానుభూతులను పంచుకుంటుంది.
ప్రపంచకప్ కోసం వెళ్లిన ఆయా జట్లు.. ఆరు రోజుల పాటు క్వారంటైన్లో ఉండనున్నాయి. అక్టోబర్ 18న న్యూజిలాండ్తో ఆస్ట్రేలియా టీం వార్మప్ మ్యాచ్ ఆడనుంది. ప్రపంచకప్లో ఆసీస్ మొదటి మ్యాచ్ అక్టోబర్ 23న జరగనుంది.
