ఆటతీరు బాగోలేదని చెప్పి సూర్యకుమార్​కు షాకిచ్చిన అభిమాని

Surya Kumar Yadav Mumbai Video : టీమ్ఇండియా స్టార్ బ్యాటర్ సూర్యకుమార్​ యాదవ్​కు ఓ అభిమాని షాక్ ఇచ్చాడు. సూర్య ఇంకా తన ఆటను మెరుగుపరుచుకోవాలని, అప్​గ్రేడ్​ చేసుకోవాలని అతడికే చెప్పాడు. ప్రస్తుతం దీనికి సంబంధించిన వీడియో సోషల్​ మీడియాలో వైరల్​గా మారింది. అసలు ఏం జరిగిందంటే?

Surya Kumar Yadav Mumbai Video : 2023 వన్టే వరల్డ్​కప్​లో భారత్​ ఓటమి లేకుండా దూసుకెళ్తోంది. నవంబర్​ 2న శ్రీలంకతో జరిగే మ్యాచ్​ కోసం టీమ్ఇండియా ముంబయికి చేరుకుంది. ఈ క్రమంలో భారత జట్టు గురించి ముంబయి అభిమానులు ఏమనుకుంటున్నారో తెలుసుకోవాలనుకున్నాడు స్టార్​ బ్యాటర్ సూర్యకుమార్​ యాదవ్​. ఎవరూ గుర్తుపట్టకుండా ఫుల్​ షర్ట్​, క్యాప్​, మాస్క్​, కళ్లద్దాలు ధరించి ముంబయి రోడ్లపై తిరిగాడు. పాదచారులను టీమ్ఇండియా గురించి పలు ప్రశ్నలు అడుగుతూ సందడి చేశాడు. కాగా దీనికి సంబంధించిన వీడియోను బీసీసీఐ తన ఎక్స్​ ఖాతాలో పోస్ట్​ చేసింది.

అభిమాని సమాధానానికి సూర్య షాక్​!
ముంబయి వాసులకు ప్రశ్నలు సంధించడానికి బీచ్​​ ప్రాంతానికి వెళ్లాడు సూర్యకుమార్​. ముంబయిలో ఏది ఫేమస్​? మీ ఫేవరెట్ క్రికెట్ ఎవరు? దీంతో పాటు టీమ్​ఇండియాలో మీకు ఏ ప్లేయర్​ ఎక్కువ ఇష్టం? అంటూ పలువురిని ప్రశ్నించాడు. అయితే మాస్క్, కళ్లద్దాలు పెట్టుకోవడం వల్ల సూర్యను ఎవరూ గుర్తించలేకపోయారు. ఈ క్రమంలో ఓ అభిమాని.. సూర్యకుమార్​ తన ఆటను మెరుగుపరుచుకోవాలని అతడితోనే చెప్పి షాక్​ ఇచ్చాడు.

• Presenting Suryakumar Yadav in a never seen before avatar 😲🤯
  
  What's our Mr. 360 doing on the streets of Marine Drive 🌊
  
  Shoutout 👋🏻 if you were on SURYA CAM last evening 🤭#TeamIndia | #CWC23 | #MenInBlue | #INDvSL
  
  WATCH 🎥🔽 - By @28anand

  — BCCI (@BCCI) November 1, 2023 " class="align-text-top noRightClick twitterSection" data="

  Presenting Suryakumar Yadav in a never seen before avatar 😲🤯
  
  What's our Mr. 360 doing on the streets of Marine Drive 🌊
  
  Shoutout 👋🏻 if you were on SURYA CAM last evening 🤭#TeamIndia | #CWC23 | #MenInBlue | #INDvSL
  
  WATCH 🎥🔽 - By @28anand

  — BCCI (@BCCI) November 1, 2023

  ">

  Presenting Suryakumar Yadav in a never seen before avatar 😲🤯
  
  What's our Mr. 360 doing on the streets of Marine Drive 🌊
  
  Shoutout 👋🏻 if you were on SURYA CAM last evening 🤭#TeamIndia | #CWC23 | #MenInBlue | #INDvSL
  
  WATCH 🎥🔽 - By @28anand

  — BCCI (@BCCI) November 1, 2023

'బ్యాటింగ్ ఆర్డర్లో సూర్య కుమార్​ యాదవ్ మరింత ముందుకు రావాలి. అతడికి ఎక్కువగా బ్యాటింగ్ చేసే ఛాన్స్​ లభించడం లేదు. సూర్య ఇంకా బ్యాటింగ్ చేయాలి. అతడు ఆటను ఇంకా మెరుగుపరుచుకోవాలి, అప్‍గ్రేడ్ చేసుకోవాలి' అని ఆ ఫ్యాన్​.. నేరుగా కెమెరామెన్​ వేషంలో ఉన్న సూర్యకుమార్ యాదవ్‍కే చెప్పాడు. అయితే ఆ సమయంలో తనకు నవ్వు వచ్చినా ఆపుకున్నానని సూర్య ఆ తర్వాత తెలిపాడు. అలా ప్రశ్నలు ఆడగడం పూర్తయ్యాక.. తానెవరో మాస్క్​ తీసి చెప్పి అభిమానులను షాక్​కు గురిచేశాడు సూర్య. అనంతరం వారితో సెల్ఫీలు, ఫొటోలు దిగి మళ్లీ హోటల్‍కు వెళ్లిపోయాడు. అయితే దీనికి సంబంధించిన వీడియో సోషల్ మీడియాలో చక్కర్లు కొడుతోంది. అయితే ఈ వరల్డ్​కప్​లో సూర్యకుమార్​ యాదవ్ రెండు మ్యాచ్​లు ఆడాడు. న్యూజిలాండ్​తో జరిగిన మ్యాచ్​లో కేవలం రెండు పరుగులకే అనూహ్యంగా రనౌట్ అయ్యాడు. ఆ తర్వాత ఇంగ్లాండ్​తో జరిగిన మ్యాచ్​లో 49 పరుగులు చేసి త్రుటిలో హాఫ్​ సెంచరీ మిస్ అయ్యాడు.