ఆరెంజ్ ఆర్మీ సన్రైజర్స్ హైదరాబాద్ ఈ ఐపీఎల్ సీజన్లో కొత్త జెర్సీతో దర్శనమివ్వనుంది. ఈ ఇండియన్ ప్రీమియర్ లీగ్ 16వ సీజన్ కోసం సన్రైజర్స్ గురువారం(మార్చి 16) కొత్త జెర్సీని లాంఛ్ చేసింది. ఈ విషయాన్ని ఆ ఫ్రాంఛైజీ తన అధికారిక సోషల్మీడియా అకౌంట్ ట్విటర్ వేదికగా వెల్లడించింది. ఈ కొత్త జెర్సీల్లో ఆ జట్టు ఆటగాళ్లు ఉమ్రాన్ మాలిక్, మయాంక్ అగర్వాల్, వాషింగ్టన్ సుందర్ కనిపించి ఆకట్టుకున్నారు. ఈ కొత్త జెర్సీల ఫొటోలను పోస్ట్ చేసిన సన్రైజర్స్.. "ఇది ఆరెంజ్ ఫైర్. త్వరలోనే సన్రైజర్స్ ఈ కొత్త జెర్సీలో ఆడే మ్యాచులను చూడటానికి టికెట్లను ఇప్పుడే త్వరగా కొనుగోలు చేయండి" అంటూ వ్యాఖ్య రాసుకొచ్చింది.
ఈ కొత్త జెర్సీని చూస్తే.. పాత జెర్సీని పెద్దగా మార్పులు చేయకుండా.. కాషాయానికి ఇంకాస్త నల్లరంగును అద్ది.. రిలీజ్ చేసింది. అలానే ఆరెంజ్ కలర్లో ఉన్న ట్రాక్‌ ప్యాంటు కలర్ను పూర్తి బ్లాక్ కలర్గా మార్చింది. మొత్తంగా ఈ ఆరెంజ్ ఆర్మీ కొత్త జెర్సీని చూస్తుంటే.. సౌతాఫ్రికా తొలి టీ20 లీగ్లో ట్రోఫీని ముద్దాడిన సన్రైజర్స్ ఈస్టర్ కేప్ జెర్సీలా ఉంది.
ఇకపోతే మార్చి 31 నుంచి ఐపీఎల్ 16వ సీజన్ ప్రారంభం కానుంది. ఏప్రిల్ 2న సన్రైజర్స్ తమ తొలి మ్యాచ్ను ఆడనుంది. ఈ మ్యాచ్లో రాజస్థాన్ రాయల్స్తో తలపడనుంది. ఈ పోరు హైదరాబాద్ రాజీవ్ గాంధీ ఇంటర్నేషనల్ స్టేడియం వేదికగా జరగనుంది. గత సీజన్లో 14 మ్యాచ్లు ఆడిన సన్రైజర్స్.. కేవలం ఆరింటిలో మాత్రమే గెలిచి, ఎనిమిది మ్యాచుల్లో ఓడిపోయింది. అలా పాయింట్ల పట్టికలో 8వ స్థానంతో సరిపెట్టుకుంది.
దీంతో ఈ సారి ఎలాగైనా గెలవాలని, మంచి పోటీనివ్వాలని సన్రైజర్స్ ఆరాటపడుతోంది. గత సీజన్లో కెప్టెన్గా ఉన్న విలియమ్సన్ను వదిలేసింది. ఈ సారి కొత్త కెప్టెన్ ఏడెన్ మార్క్రమ్ కెప్టెన్సీలో బరిలోకి దిగనుంది. ఇతడే సౌతాఫ్రికా లీగ్లో సన్ రైజర్స్కు చెందిన ఈస్టర్ కేప్ను విజేతగా నిలిపాడు. అలా కొత్త కెప్టెన్, కొత్త జెర్సీతో తన అదృష్టాన్ని పరీక్షించుకోనుంది. ఇందులో భాగంగానే ఇటీవలే జరిగిన వేలంలోనూ మయాంక్ అగర్వాల్, ఇంగ్లాండ్ యువ బ్యాటర్ హ్యారీ బ్రూక్ లాంటి వాళ్లను కొనుగోలు చేసింది. అలానే వేలం ప్రారంభానికి ముందు బ్రియాన్ లారాను హెజ్ కోచ్గా ఎంపిక చేసింది. దీంతో జట్టు మరింత బలపడింది.
సన్ రైజర్స్ హైదరాబాద్ జట్టు.. మయాంక్ అగర్వాల్, హ్యారీ బ్రూక్, హెన్రిచ్ క్లాసేన్, మయాంక్ మార్కండే, ఆదిల్ రషీద్, వివ్రాంత్ శర్మ, సన్వీర్ సింగ్, ఉపేంద్ర యాదవ్, సమర్థ్ వ్యాస్, నితీష్ కుమార్ రెడ్డి, మయాంక్ దాగార్, అన్మోల్‌ప్రీత్ సింగ్, అకీల్ హుస్సేన్, ఏడెన్ మార్క్రమ్, అబ్దుల్ సమద్, గ్లెన్ ఫిలిప్స్, అభిషేక్ శర్మ, రాహుల్ త్రిపాఠీ, వాషింగ్టన్ సుందర్, మార్కో జాన్సెన్, కార్తీక్ త్యాగి, ఫజల్ హక్ ఫరూకీ, టి. నటరాజన్, భువనేశ్వర్ కుమార్, ఉమ్రాన్ మాలిక్
ఇదీ చూడండి: మ్యాచ్కు ముందే ఆర్సీబీకి షాక్.. గాయం కారణంగా విల్ జాక్స్ దూరం!
