Sunil Narine Retirement : వెస్టిండీస్ స్టార్ ఆల్రౌండర్ సునీల్ నరైన్ అంతర్జాతీయ క్రికెట్కు వీడ్కోలు పలికాడు. ఈ విషయాన్ని స్వయంగా నరైన్ సోషల్ మీడియా వేదిక ద్వారా ప్రకటించాడు. "నా ఫ్యాన్స్కు, నన్ను ఆదరించేవారికి.. నేను అంతర్జాతీయ క్రికెట్ నుంచి రిటైర్ అవుతున్నానని తెలియజేస్తున్నాను. మీ అందరి ప్రేమకు కృతజ్ఞతుడ్ని" అని నరైన్ అన్నాడు.
"నేను వెస్టిండీస్ జట్టు తరఫున ప్రాతినిధ్యం వహించి నాలుగేళ్లు అవుతోంది. ఈరోజు అంతర్జాతీయ క్రికెట్కు నేను రిటైర్మెంట్ ప్రకటిస్తున్నా. వెస్టిండీస్ జట్టుకు ప్రాతినిధ్యం వహించడం నా అదృష్టం. వెస్టిండీస్ క్రికెట్ బోర్డుకు, మా జట్టు కోచ్ స్టాఫ్, నా సహచర ఆటగాళ్లకు అందరికీ కృతజ్ఞతలు. నా సొంత జట్టైన ట్రినిడాడ్ అండ్ టొబాగోకు డొమెస్టిక్ క్రికెట్లో ప్రాతినిధ్యం వహించడం కూడా నా అదృష్టం. నా కెరీర్లో సపోర్ట్ చేసిన వారందరికీ ధన్యవాదాలు" అని నరైన్ అన్నాడు.
Sunil Narine International Stats : 35 ఏళ్ల నరైన్.. తన కెరీర్లో అంతర్జాతీయంగా 65 వన్డే, 51 టీ20, 6 టెస్టు మ్యాచ్లు ఆడాడు. అన్ని ఫార్మాట్లలో కలిపి 165 వికెట్లు పడగొట్టాడు. నాలుగేళ్ల కిందట చివరిసారిగా.. అయితే నరైన్ చివరి సారిగా జాతీయ జట్టుకు నాలుగేళ్ల కిందట ప్రాతినిధ్యం వహించాడు. అతడు 2019 లో భారత్తో జరిగిన టీ20 మ్యాచ్లో ఆడాడు. ఈ మ్యాచ్లో బౌలింగ్ చేసిన నరైన్ ఒక్క వికెట్ దక్కించుకోలేదు. ఇక ఇంటర్నేషనల్ క్రికెట్కు గుడ్బై చెప్పిన నరైన్.. డొమెస్టిక్ లీగ్లలో యధావిథిగా ఆడనున్నాడు.
ఐపీఎల్తో గుర్తింపు.. సునీల్ నరైన్కు అంతర్జాతీయ లెవెల్లో ఐపీఎల్తోనే గుర్తింపు లభించింది. ఐపీఎల్లో కోల్కతా నైట్రైడర్స్ తరఫున ఆడిన నరైన్.. జట్టుకు అనేక విజయాలు అందించాడు. ఐపీఎల్ మొత్తంగా 162 మ్యాచ్ల్లో నరైన్.. 1046 పరుగులు చేసి, 163 వికెట్లు పడగొట్టాడు.
ప్రపంచంలోనే తొలి బౌలర్గా రికార్డు.. నరైన్ ప్రపంచంలోనే టీ20 క్రికెట్లో ఏ బౌలర్కు సాధ్యంకాని రికార్డు నెలకొల్పాడు. అతడు 2014 కరీబియన్ ప్రీమియర్ లీగ్ రెడ్ స్టీల్ - గుయానా అమెజాన్ వారియర్స్ మ్యాచ్లో.. సూపర్ ఓవర్ను మెయిడెన్గా మలిచి చరిత్ర సృష్టించాడు.
Red Card In Cricket : క్రికెట్లో రెడ్కార్డ్ రూల్.. నిషేధం ఎదుర్కొన్న తొలి ప్లేయర్ అతడే
షారుక్ ఖాన్, సునీల్ నరైన్ ఊచకోత.. టీ20ల్లో 'బ్లాస్ట్' పెర్ఫార్మెన్స్!
