KL Rahul Elite List: లఖ్నవూ సూపర్ జెయింట్స్ కెప్టెన్.. కేఎల్ రాహుల్ ఐపీఎల్లో సోమవారం సన్రైజర్స్ హైదరాబాద్తో జరిగిన మ్యాచ్లో అర్ధసెంచరీతో రాణించాడు. ఈ సందర్భంగానే అరుదైన ఘనత సాధించాడు. రాహుల్కు టీ20ల్లో ఇది 50వ అర్ధసెంచరీ. ఈ ఎలైట్ లిస్ట్లో భారత్ నుంచి మరో నలుగురు మాత్రమే ఉన్నారు. విరాట్ కోహ్లీ 76 అర్ధశతకాలతో తొలి స్థానంలో ఉన్నాడు. రోహిత్ శర్మ(69), శిఖర్ ధావన్(63), రైనా(53) వరుసగా ఆ తర్వాత స్థానాల్లో ఉన్నారు. రాహుల్ ఐదోవాడు.
ఐపీఎల్లో రాహుల్కు ఇది 28వ హాఫ్ సెంచరీ. ఐపీఎల్లో అత్యధిక అర్ధసెంచరీలు చేసిన జాబితాలో 9వ స్థానంలో నిలిచాడు. అత్యధికంగా డేవిడ్ వార్నర్ 49 అర్ధసెంచరీలతో ఐపీఎల్లో తొలి స్థానంలో ఉన్నాడు. కెప్టెన్గా ఇది 13వది. ఈ జాబితాలో సెహ్వాగ్, గిల్క్రిస్ట్ను దాటి ఆరో స్థానానికి చేరాడు. విరాట్(40), గంభీర్(31), వార్నర్(27), రోహిత్ శర్మ(23), ధోనీ (22) టాప్-5లో ఉన్నారు. లీగ్లో 3000 కంటే ఎక్కువ పరుగులు చేసిన ఆటగాళ్లలో అత్యధిక సగటు రాహుల్దే. ఇప్పటివరకు 94 మ్యాచ్లాడిన కేఎల్.. 46.66 సగటుతో 3,313 పరుగులతో ఉన్నాడు. గత నాలుగు సీజన్లలో ప్రతిసారీ 550 కంటే ఎక్కువ పరుగులు చేయడం విశేషం. ఎక్కువకాలం పంజాబ్కు కెప్టెన్గా ఉన్న రాహుల్.. ఆ జట్టుకు టైటిల్ తెచ్చిపెట్టలేకపోయాడు. ఈసారి లఖ్నవూకు సారథ్యం వహిస్తున్నాడు. ఆడిన 3 మ్యాచ్ల్లో లఖ్నవూ రెండింట గెలిచి.. పాయింట్ల పట్టికలో ఐదో స్థానంలో ఉంది. 2020 నుంచి అద్భుత ఫామ్లో ఉన్నాడు కేఎల్. ఓపెనర్గానే కాకుండా.. ఏ స్థానంలోనైనా రాణించగల సత్తా అతడి సొంతం.
సన్రైజర్స్పై 50 బంతుల్లోనే 6 ఫోర్లు, ఓ సిక్సర్తో 50 బంతుల్లో 68 పరుగులు చేశాడు కేఎల్. దీపక్ హుడా(51) కూడా రాణించగా లఖ్నవూ 169 పరుగులు చేసింది. అనంతరం.. బ్యాటింగ్ చేసిన హైదరాబాద్ 157 పరుగులకే పరిమితమైంది. త్రిపాఠి(44), పూరన్(34) మాత్రమే ఫర్వాలేదనిపించారు. లఖ్నవూ బౌలర్లలో అవేశ్ ఖాన్ 4 వికెట్లు తీసి విజయంలో కీలక పాత్ర పోషించాడు. అతడికే మ్యాన్ ఆఫ్ ది మ్యాచ్ అవార్డు దక్కింది.
ఇవీ చూడండి: 'ఐపీఎల్పై నేను అలా అన్లేదు.. కావాలనే వక్రీకరించారు'
