సౌథాంప్టన్ వేదికగా జరగనున్న టెస్టు ఛాంపియన్షిప్ ఫైనల్లో పిచ్ స్పిన్కు అనూకూలిస్తుందని దిగ్గజ క్రికెటర్లు సునీల్ గావస్కర్, సెహ్వాగ్ అభిప్రాయపడ్డారు. ఇంగ్లాండ్లో వాతావరణం వేడిగా ఉంటే పిచ్ డ్రై అవుతుందని.. అప్పుడు పిచ్ భారత స్పిన్నర్లు అశ్విన్, జడేజాకు కలిసొచ్చే అవకాశం ఉందని తెలిపారు.
"సౌథాంప్టన్లో జరగనున్న డబ్ల్యూటీసీ ఫైనల్ల్లో స్పిన్ బౌలర్లే కీలకంగా మారనున్నారు. వేడి కారణంగా పిచ్ డ్రై అవుతుంది. మ్యాచ్లో సమయం గడిచేకొద్ది బాల్ స్వింగ్ అయ్యే అవకాశముంది. అశ్విన్, జడేజాలు తమ స్పిన్ బౌలింగ్తో రాణించే అవకాశం లేకపోలేదు. కేవలం బౌలింగ్ మాత్రమే కాకుండా బ్యాటింగ్లోనూ వీరిద్దరూ రాణించగలరు".
- సునీల్ గావస్కర్, దిగ్గజ క్రికెటర్
పిచ్పై బంతి స్వింగ్ అయ్యే అవకాశముంటే భారత స్పిన్నర్లు అశ్విన్, జడేజా రాణిస్తారని టీమ్ఇండియా మాజీ బ్యాట్స్మన్ వీరేంద్ర సెహ్వాగ్ అన్నాడు. "ప్రపంచ క్రికెట్ ర్యాంకింగ్లో జట్టు స్థానాన్ని నిలపడంలో బౌలర్లు కీలకపాత్ర పోషిస్తారు. డబ్ల్యూటీసీ ఫైనల్ మ్యాచ్లో ఆడనున్న టీమ్ఇండియా బౌలింగ్ లైనప్ బాగుంది. ఒకవేళ పిచ్ స్వింగ్ అయ్యే అవకాశాలుంటే జడేజా, అశ్విన్ బౌలింగ్లో సత్తా చాటడం సహా బ్యాటింగ్లోనూ వీరిద్దరూ రాణించగలరు" అని సెహ్వాగ్ అన్నాడు.
ఇదీ చదవండి: టీమ్ఇండియా టెస్టు ప్రయాణం చరిత్రాత్మకం!
