తోటి క్రికెటర్‌ మృతికి సంతాపం తెలిపిన కొన్ని గంటలకే..

Shane Warne News: ఆస్ట్రేలియా స్పిన్​ దిగ్గజం షేన్​ వార్న్(52) మృతిచెందాడు. థాయ్​లాండ్​లోని అతని విల్లాలో గుండెపోటుతో కన్నుమూశాడు. తన తోటి క్రికెటర్‌ రాడ్​ మార్ష్​ మృతికి సంతాపం తెలిపిన కొన్ని గంటలకే వార్న్‌ మృతి చెందడం క్రీడా లోకాన్ని కలచివేసింది.

Shane Warne News: మృత్యువు ఎవరిని ఎప్పుడు కబళిస్తుందో.. ఆత్మీయులను ఏ రూపంలో దూరం చేస్తుందో ఎవరికీ తెలియదు. ఇప్పుడు ఆస్ట్రేలియన్‌ స్పిన్‌ దిగ్గజం షేన్‌ వార్న్‌ విషయంలోనూ అదే జరిగింది. తన తోటి క్రికెటర్‌ మృతికి సంతాపం తెలిపిన కొన్ని గంటలకే వార్న్‌ మృతి చెందడం క్రీడా లోకాన్ని కలచివేసింది. అతడు చివరగా చేసిన ట్వీట్‌ ఇప్పుడు వైరల్‌గా మారింది.

• Sad to hear the news that Rod Marsh has passed. He was a legend of our great game & an inspiration to so many young boys & girls. Rod cared deeply about cricket & gave so much-especially to Australia & England players. Sending lots & lots of love to Ros & the family. RIP mate❤️

  — Shane Warne (@ShaneWarne) March 4, 2022 " class="align-text-top noRightClick twitterSection" data="

  Sad to hear the news that Rod Marsh has passed. He was a legend of our great game & an inspiration to so many young boys & girls. Rod cared deeply about cricket & gave so much-especially to Australia & England players. Sending lots & lots of love to Ros & the family. RIP mate❤️

  — Shane Warne (@ShaneWarne) March 4, 2022

  ">

  Sad to hear the news that Rod Marsh has passed. He was a legend of our great game & an inspiration to so many young boys & girls. Rod cared deeply about cricket & gave so much-especially to Australia & England players. Sending lots & lots of love to Ros & the family. RIP mate❤️

  — Shane Warne (@ShaneWarne) March 4, 2022

ఆస్ట్రేలియా మాజీ వికెట్‌ కీపర్‌ రామ్‌ మార్ష్‌ (74) క్వీన్స్‌ల్యాండ్‌లో ఈ ఉదయం గుండెపోటుతో మరణించారు. ఆయన మరణానికి సంతాపం తెలుపుతూ షేన్‌ వార్న్‌ శుక్రవారం ట్వీట్‌ చేశాడు.

"రాడ్ మార్ష్ మృతి చెందాడన్న వార్త వినడం బాధాకరం. క్రికెట్‌లో ఆయనో లెజెండ్‌. చాలా మంది అమ్మాయిలకు, అబ్బాయిలకు ప్రేరణ. ఆయన కుటుంబానికి సానుభూతి ప్రకటిస్తున్నా"అని షేన్‌ వార్న్‌ ట్వీట్‌ చేశారు.

ఈ ట్వీట్‌ చేసిన సరిగ్గా 12 గంటలకే వార్న్‌ మరణించాడు. వార్న్‌ మరణ వార్త అభిమానులను కంటతడి పెట్టిస్తోంది. బహుశా విధి అంటే ఇదేనేమో అని సామాజిక మాధ్యమాల్లో పోస్టులు పెడుతున్నారు.

షేన్ వార్న్ రికార్డులు..

145 టెస్టుల్లో 708 వికెట్లు తీశాడు షేన్​వార్న్. 194 వన్డేల్లో 293 వికెట్లు పడగొట్టాడు. టెస్టుల్లో 37 సార్లు 5 వికెట్లు తీసిన వార్న్‌.. టెస్టుల్లో 10 వికెట్లు 10 సార్లు తీసి చరిత్ర సృష్టించాడు.

టెస్టు చరిత్రలో అత్యధిక వికెట్లు(708) తీసిన రెండో బౌలర్‌గా షేన్‌ వార్న్‌ నిలిచాడు. 2008లో రాజస్థాన్‌ రాయల్స్‌కు సారథిగానూ వ్యవహరించాడు వార్న్‌.

వార్న్​ అత్యుత్తమ బ్యాట్స్​మెన్ సచినే..

ఎలాంటి ప్రతికూల పరిస్థితుల్లోనైనా ప్రత్యర్థులపై పైచేయి సాధించే బ్యాట్స్‌మన్‌ను ఎంచుకోమంటే దిగ్గజ క్రికెటర్‌ సచిన్‌ తెందుల్కర్‌ను ఎంచుకుంటానని ఆస్ట్రేలియా మాజీ క్రికెటర్‌ షేన్‌ వార్న్‌ గతంలో అన్నాడు.

ఇదీ చూడండి: ఆస్ట్రేలియా లెజెండరీ స్పిన్నర్ షేన్​ వార్న్ కన్నుమూత