కరోనా కలకలం- టాస్ వేశాక వన్డే మ్యాచ్​ వాయిదా

మ్యాచ్​ మరికొద్దిసేపట్లో ప్రారంభం అవుతుందనగా.. కరోనా కలకలం రేపింది. టాస్​ వేశాక కూడా.. వన్డేను అర్ధంతరంగా నిలిపివేయాల్సి వచ్చింది. దీంతో కరోనా నిబంధనల ప్రకారం మ్యాచ్​ను రీషెడ్యూల్ చేయనున్నారు.

వెస్టిండీస్- ఆస్ట్రేలియా (AUS vs WI 2nd ODI 2021)​ మధ్య జరగాల్సిన రెండో వన్డేలో కొవిడ్ కలకలం రేపింది. దీంతో మ్యాచ్​ వాయిదా పడింది. విండీస్​ క్యాంపులోని ఆటతో సంబంధం లేని ఓ వ్యక్తికి కరోనా నిర్ధరణ అయింది. ఈ విషయాన్ని ఆ దేశ క్రికెట్ బోర్డు ధ్రువీకరించింది.

ఈ విషయం టాస్​ వేసిన తర్వాత వెలుగులోకి వచ్చింది. దీంతో కొవిడ్ నిబంధనల ప్రకారం ఇరుజట్ల ఆటగాళ్లతో పాటు సహాయక సిబ్బంది ఐసోలేషన్​లోకి వెళ్లిపోయారు. వారందరికీ మళ్లీ కరోనా పరీక్ష నిర్వహించనున్నారు. ఆటగాళ్ల కొవిడ్ రిపోర్టులు వచ్చిన తర్వాత మ్యాచ్​ నిర్వహణ తేదీని ప్రకటించనున్నారు. అంతవరకు వారు హోటల్​ గదు​లకే పరిమితం కానున్నారు.

• The second CG Insurance ODI between West Indies and Australia has been postponed due to a positive COVID-19 test result. #WIvAUS
  
  Details⬇️https://t.co/zKnpCVMy4Z

  — Windies Cricket (@windiescricket) July 22, 2021 " class="align-text-top noRightClick twitterSection" data="

  The second CG Insurance ODI between West Indies and Australia has been postponed due to a positive COVID-19 test result. #WIvAUS
  
  Details⬇️https://t.co/zKnpCVMy4Z

  — Windies Cricket (@windiescricket) July 22, 2021

  ">

  The second CG Insurance ODI between West Indies and Australia has been postponed due to a positive COVID-19 test result. #WIvAUS
  
  Details⬇️https://t.co/zKnpCVMy4Z

  — Windies Cricket (@windiescricket) July 22, 2021

సందిగ్ధంలో​ బంగ్లా టూర్​.!

టీ20 ప్రంపచకప్​కు ముందు సన్నాహాక మ్యాచ్​ల్లో భాగంగా పలు పరిమిత ఓవర్ల సిరీస్​లు ఆడనుంది ఆస్ట్రేలియా. ఈ సిరీస్​ అనంతరం బంగ్లాలో పర్యటించనుంది​. ఆగస్టు 3 నుంచి జరగనున్న ఐదు మ్యాచ్​ల టీ20 సిరీస్​ కోసం జులై 29న అక్కడికి చేరుకోనుంది. ప్రస్తుతం కొవిడ్ కేసు వెలుగు చూసిన నేపథ్యంలో వారు నిర్ణీత షెడ్యూల్​ ప్రకారం సిరీస్​ ఆడతారో లేదో!

కరీబియన్ల చేతిలో టీ20 సిరీస్​ను 1-4తో కోల్పోయిన ఆసీస్​.. వన్డే సిరీస్​ను ఘనంగా ఆరంభించింది. తొలి వన్డేలో డక్​వర్త్​ లూయిస్ పద్ధతిలో 133 పరుగుల తేడాతో విజయం సాధించింది. ప్రస్తుతం రెండో వన్డే వాయిదా పడింది. ఇక చివరిదైన మూడో మ్యాచ్​ జులై 24(శనివారం) జరగాల్సి ఉంది. కరోనా కేసు వెలుగు చూసిన నేపథ్యంలో అది కూడా సజావుగా సాగుతుందో లేదో చూడాలి.

ఇదీ చదవండి: IND vs SL: క్లీన్​స్వీప్​పై గబ్బర్​సేన గురి!