Rohit Sharma International Sixes : రోహిత్ రికార్డులే రికార్డులు.. 13 ఏళ్ల తర్వాత తొలి బ్యాటర్​గా..

Rohit Sharma International Sixes : భారత్-ఆస్ట్రేలియా మధ్య జరిగిన వన్డే సిరీస్​ను 2-1 తేడాతో టీమ్ఇండియా దక్కించుకుంది. అయితే ఈ సిరీస్​లో భారత కెప్టెన్ రోహిత్ శర్మ పలు రికార్డులు సాధించాడు. అవేంటంటే?

Rohit Sharma International Sixes : భారత్-ఆస్ట్రేలియా మధ్య మూడు మ్యాచ్​ల వన్డే సిరీస్ బుధవారంతో ముగిసింది. 2-1తేడాతో ఈ సిరీస్​ను భారత్ కైవసం చేసుకుంది. ఈ సిరీస్​లో భాగంగా భారత్.. రాజ్​కోట్ వేదికగా బుధవారం ఆడిన చివరి వన్డేలో 66 పరుగుల తేడాతో ఓడింది. అయితే ఈ మ్యాచ్​లో కెప్టెన్ రోహిత్ శర్మ పలు రికార్డులను బ్రేక్ చేశాడు. అవేంటంటే..

353 పరుగుల భారీ లక్ష్య ఛేదనలో దిగిన టీమ్ఇండియా.. మొదట్నుంచి దూకుడుగా ఆడింది. ఓపెనర్ రోహిత్ శర్మ.. తనదైన శైలిలో బౌండరీలతో ఆసీస్ బౌలర్లపై విరుచుకుపడ్డాడు. ముఖ్యంగా తన సిగ్నేచర్ పుల్ షాట్​లతో స్టేడియంలోని ఫ్యాన్స్​ ఉర్రూతలూగించాడు. ఈ క్రమంలోనే రోహిత్ 31 బంతుల్లోనే అర్ధ శతకం సాధించాడు. అప్పటికి జట్టు స్కోర్ 9.3 ఓవర్లలో 68 పరుగులు. అయితే రోహిత్ ఈ హాఫ్ సెంచరీని పవర్ ప్లే (తొలి 10 ఓవర్లలోపు) లోనే అందుకోవడం విశేషం. ఈ క్రమంలో 13 ఏళ్ల తర్వాత వన్డేల్లో తొలి పది ఓవర్లలో హాఫ్ సెంచరీ సాధించిన టీమ్ఇండియా బ్యాటర్​గా రోహిత్ నిలిచాడు.

సిక్సర్ల రారాజు.. తన కెరీర్​లో 451 అంతర్జాతీయ మ్యాచ్​లు ఆడిన రోహిత్.. ఇప్పటివరకు 551 సిక్స్​లు బాదాడు. ఈ జాబితాలో అగ్రస్థానంలో ఉన్న వెస్టిండీస్ స్టార్ బ్యాటర్ క్రిస్ గేల్ (553)కు అతి చేరువలోకి వచ్చాడు. అంతేకాకుండా అంతర్జాతీయ క్రికెట్​లో 550+ సిక్స్​లు బాదిన ఆటగాళ్ల జాబితాలో రోహిత్ చేరాడు. ఈ లిస్ట్​లో రోహిత్ కంటే ముందు ఒక్క క్రిస్ గేల్ మాత్రమే ఉన్నాడు.

అత్యధిత అంతర్జాతీయ సిక్స్​లు బాదిన ఆటగాళ్లు..

• క్రిస్ గేల్ - 553 సిక్స్​లు
• రోహిత్ శర్మ -551 సిక్స్​లు
• షాహిద్ అఫ్రిదీ -476 సిక్స్​లు
• బ్రెండన్ మెకల్లమ్ - 398 సిక్స్​లు
• మార్టిన్ గప్టిల్ - 383 సిక్స్​లు

స్వదేశంలో రోహితే టాప్.. ఇక స్వదేశంలో అత్యధిక సిక్స్​లు బాదిన లిస్ట్​లో రోహిత్ అగ్రస్థానంలో నిలిచాడు. రోహిత్ కెరీర్​లో స్వదేశంలో 262 సిక్స్​లు సంధించాడు. ఈ జాబితాలో న్యూజిలాండ్ ప్లేయర్ మార్టిన్ గప్టిల్ 256 సిక్స్​లతో రెండో ప్లేస్​లో కొనసాగుతున్నాడు.

• Rohit 🤜🤛 Pull shot
  
  The best love story! 🫶 #IndiaCricketKaNayaGhar #TeamIndia #IDFCFirstBankODITrophy #RohitSharma #INDvAUS pic.twitter.com/9aqFN3N0qo

  — JioCinema (@JioCinema) September 27, 2023 " class="align-text-top noRightClick twitterSection" data="

  Rohit 🤜🤛 Pull shot
  
  The best love story! 🫶 #IndiaCricketKaNayaGhar #TeamIndia #IDFCFirstBankODITrophy #RohitSharma #INDvAUS pic.twitter.com/9aqFN3N0qo

  — JioCinema (@JioCinema) September 27, 2023

  ">

  Rohit 🤜🤛 Pull shot
  
  The best love story! 🫶 #IndiaCricketKaNayaGhar #TeamIndia #IDFCFirstBankODITrophy #RohitSharma #INDvAUS pic.twitter.com/9aqFN3N0qo

  — JioCinema (@JioCinema) September 27, 2023