IND vs SL 2022: ప్రస్తుతం విండీస్తో టీ20 సిరీస్ ఆడుతున్న టీమ్ఇండియా త్వరలో శ్రీలంక జట్టుకు ఆతిధ్యం ఇవ్వనుంది. లంకతో మూడు టీ20లు, రెండు మ్యాచుల టెస్టు సిరీస్లు ఆడనుంది. ఇటీవల టెస్టు కెప్టెన్సీకి విరాట్ గుడ్బై చెప్పిన నేపథ్యంలో ఇప్పటికే టీ20, వన్డేలకు కెప్టెన్గా ఉన్న రోహిత్ శర్మ సుదీర్ఘ ఫార్మాట్కు కూడా సారథ్యం వహించనున్నాడు.
కోహ్లీ దూరం..
ప్రస్తుతం విండీస్తో సిరీస్లో ఆడుతున్న విరాట్ కోహ్లీ.. శ్రీలంకతో టీ20 సిరీస్కు దూరం కానున్నట్లు సమాచారం. మరోవైపు విరాట్ కోహ్లీ 100వ టెస్టును బెంగళూరు స్టేడియంలో జరిగే అవకాశం ఉన్నట్లు తెలుస్తోంది.
ఈనెల 24న భారత్-శ్రీలంక టీ20 సిరీస్ ప్రారంభం కానుంది. తొలి మ్యాచ్కు లఖ్నవూ ఆతిథ్యమివ్వనుంది. తర్వాత రెండు మ్యాచులు ధర్మశాలలో జరగనున్నాయి. అనంతరం మార్చి 4-8 వరకు మొహలీలో తొలి టెస్టు, మార్చి 12-16 వరకు బెంగళూరులో రెండో టెస్టును బీసీసీఐ నిర్వహిస్తుంది.
ఇదీ చూడండి : టీ20 రికార్డుకు చేరువలో కోహ్లీ, రోహిత్!
