Ravichandran Ashwin: భారత దిగ్గజ క్రికెటర్ కపిల్దేవ్ రికార్డును అధిగమించడంపై స్పిన్నర్ రవిచంద్రన్ అశ్విన్ స్పందించాడు. తాను చిన్నపుడు కపిల్దేవ్ స్ఫూర్తితో బ్యాటర్తో పాటు మీడియం పేస్ బౌలర్ కావాలనుకున్నాని అన్నాడు. 35 ఏళ్ల అశ్విన్ తన 85వ టెస్టులోనే కపిల్దేవ్ 434 వికెట్ల రికార్డును అధిగమించాడు. దీంతో భారత్ తరఫున అత్యధిక వికెట్లు సాధించిన రెండో బౌలర్గా రికార్డు సృష్టించాడు.
"దీనిని చాలా గౌరవంగా భావిస్తున్నాను. 28 ఏళ్ల క్రితం రిచర్డ్ హడ్లీ రికార్డును కపిల్దేవ్ అధిగమించినప్పుడు నాన్నతో కలిసి ఎంజాయ్ చేశా. ఆయన సాధించిన రికార్డును అధిగమిస్తానని కలలో కూడా అనుకోలేదు. ఎందుకంటే నేను 8 సంవత్సరాలు ఉన్నప్పటి నుంచి బ్యాటర్ అవ్వాలని అనుకున్నాను. 1994లో సచిన్ తెండూల్కర్ వెలుగులోకి వస్తున్న సమయం అప్పుడు నాకు బ్యాటింగ్ అంటేనే ఆసక్తి. కపిల్దేవ్ గొప్ప స్ట్రైకర్.మా నాన్న సలహాతో మొదటగా మీడియం పేస్ బౌలర్గా మారి మరో కపిల్దేవ్ అవ్వాలి అనుకున్నా. కానీ తర్వాత ఆఫ్ స్పిన్నర్గా మారి భారత్కు ప్రాతినిథ్యం వహించాను. భారత్కు ఆడతానని ఎప్పుడు అనుకోలేదు. ఈ ఘనత సాధించింనందుకు చాలా ఆనందంగా ఉంది."
-రవిచంద్రన్ అశ్విన్
కపిల్దేవ్ 131 మ్యాచుల్లో 434 వికెట్లు తీయగా.. అనిల్కుంబ్లే 132 మ్యాచుల్లో 619 వికెట్లతో అగ్రస్థానంలో ఉన్నాడు. భారత తరఫున 400 వికెట్లకు పైగా సాధించిన నాలుగో బౌలర్గా, అంతర్జాతీయంగా తొమ్మిదో ఆటగాడిగా రికార్డు సృష్టించారు.
ఇదీ చదవండి: IPL 2022: ఈ సీజన్లోనూ సీఎస్కేనే ఫేవరేట్!
