Rahul IPL record: ఐపీఎల్‌లో కొత్త ఫ్రాంచైజీలు వేలానికి ముందు ప్రధాన ఆటగాళ్ల ఎంపికను పూర్తిచేశాయి. అహ్మదాబాద్‌కు హార్దిక్‌ పాండ్యా, లఖ్నవూకు కేఎల్ రాహుల్ కెప్టెన్లుగా వ్యవహరించనున్నారు. ఈ నేపథ్యంలో రాహుల్ కోసం రూ.17 కోట్లు వెచ్చించింది లఖ్నవూ ఫ్రాంచైజీ. లీగ్ చరిత్రలో ఇది ఓ రికార్డు.
ఐపీఎల్ చరిత్రలో అత్యధిక ధర పలికిన ఆటగాడిగా విరాట్ కోహ్లీకి పేరుంది. 2018లో ఇతడిని రూ.17 కోట్లకు రిటైన్ చేసుకుంది రాయల్ ఛాలెంజర్స్ బెంగళూరు. తాజాగా వచ్చే సీజన్ కోసం రాహుల్ను కూడా రూ.17 కోట్లకు సొంతం చేసుకుంది లఖ్నవూ. దీంతో లీగ్లో అత్యధిక ధర పలికిన ఆటగాళ్ల జాబితాలో కోహ్లీ సరసన టాప్-1లో నిలిచాడు రాహుల్.
లఖ్నవూ రాహుల్ కాక.. స్టోయినిస్‌ను రూ.9.2 కోట్లకు, రవి బిష్ణోయ్‌ను రూ.4 కోట్లకు దక్కించుకుంది. అహ్మదాబాద్‌.. హార్దిక్‌, రషీద్‌ ఖాన్‌ కోసం రూ.15 కోట్ల చొప్పున వెచ్చించింది. శుభ్‌మన్‌గిల్‌ను ఆ ఫ్రాంచైజీ రూ.7 కోట్లకు సొంతం చేసుకుంది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
