IND Vs SL Preview: శ్రీలంకతో రెండు టెస్టుల సిరీస్ కోసం భారత్ సిద్ధమైంది. పంజాబ్ మొహాలి వేదికగా శుక్రవారం ప్రారంభంకానున్న మొదటి టెస్టులో విజయం సాధించి లంకేయులపై జైత్రయాత్ర కొనసాగించాలని రోహిత్ సేన భావిస్తోంది. మరోవైపు భారత గడ్డపై ఈసారైనా తొలి టెస్టు విజయం సాధించి చరిత్ర సృష్టించాలని శ్రీలంక పట్టుదలతో ఉంది. ఈ మ్యాచ్తో రోహిత్ శర్మ తొలిసారి పూర్తిస్థాయి టెస్టు కెప్టెన్గా బరిలోకి దిగుతున్నాడు. అతడు టెస్టు పగ్గాలు చేపడుతున్న 35వ భారతీయ ఆటగాడు కావడం గమనార్హం.
Kohli 100th test
అందరి కళ్లూ కోహ్లీ పైనే..
ఈ మ్యాచ్లో అందరి దృష్టి మాజీ సారథి కోహ్లీ పైనే ఉంది. అతడు 100వ టెస్టు మైలురాయిని చేరుకుంటుండటమే ఇందుకు కారణం. ఈ మ్యాచ్లో అయినా సెంచరీ చేసి అభిమానులు రెండేళ్ల నిరీక్షణకు తెరదించుతాడని అందరూ భావిస్తున్నారు. అలాగే 100వ టెస్టులో 100 పరుగులు చేసిన తొలి భారతీయ ఆటగాడిగా కూడా అతడు రికార్డు నెలకొల్పే అవకాశముంది. గావస్కర్, సచిన్, గంగూలీ, సెహ్వాగ్ వంటి దిగ్గజ ఆటగాళ్లు ఈ ఘనతకు సాధించలేకపోయారు. ఇప్పుడు ఆ సదావకాశం కోహ్లీకి దక్కనుంది.
ఇదీ చదవండి: 100వ టెస్టులో సెంచరీ వీరులు వీరే.. మరి కోహ్లీ..?
టెస్టుల్లో సునిల్ గావస్కర్ 10వేల పరుగులు చేసినప్పుడు, సచిన్ తెందుల్కర్ రిటైర్మెంట్ ప్రకటించినప్పుడు భారతీయ అభిమానులు తీవ్ర భావోద్వేగానికి గురయ్యారు. క్రికెట్ను ఆరాధ్యంగా భావించే మన దేశంలో ఇప్పుడు కోహ్లీ 100వ టెస్టు మ్యాచ్ ఆడుతుండటం కూడా అలాంటి సందర్భమే. అతడి సారథ్యంలోనే టెస్టు క్రికెట్లో భారత్ చరిత్రాత్మక విజయాలు సాధించింది. దీన్ని దృష్టిలో ఉంచుకునే మొహాలిలో జరిగే మ్యాచ్కు పరిమిత సంఖ్యలో ప్రేక్షకులను అనుమతిస్తున్నారు.
ఇదీ చదవండి: టెస్టు చరిత్రలో స్వర్ణయుగం.. కోహ్లీ శకం- ఈ రికార్డులపై ఓ లుక్కేయండి
ఓసారి ఇరు జట్ల వివారాలను పరిశీలిద్దాం..
India Srilanka first test
టీమ్ఇండియా స్క్వాడ్..
రోహిత్ శర్మ(కెప్టెన్), మయాంక్ అగర్వాల్, శుభ్మన్ గిల్, విరాట్ కోహ్లీ, రిషభ్పంత్(కీపర్), హనుమ విహారి, రవిచంద్రన్ అశ్విన్, రవీంద్ర జడేజా, జస్ప్రీత్ బుమ్రా, మహమ్మద్ షమీ, మహమ్మద్ సిరాజ్, జయంత్ యాదవ్, శ్రేయస్ అయ్యర్, కోన భరత్(కీపర్), ఉమేశ్ యాదవ్, సౌరభ్ కుమార్, ప్రియాంక్ పంచాల్.
తుది జట్టు అంచనా..
రోహిత్ శర్మ(కెప్టెన్), మయాంక్ అగర్వాల్, శుభ్మన్ గిల్, విరాట్ కోహ్లీ, రిషభ్పంత్, హనుమ విహారి, రవిచంద్రన్ అశ్విన్, రవీంద్ర జడేజా, జస్ప్రీత్ బుమ్రా, మహమ్మద్ షమీ, మహమ్మద్ సిరాజ్.
శ్రీలంక స్క్వాడ్..
దిముత్ కరుణరత్నే(కెప్టెన్), దనంజయ డిసిల్వ, ఛరిత్ అసలంక, దుశ్మంత చమీర, దినేశ్ చండీమల్(కీపర్), ఏంజిలో మాథ్యూస్, నిరోశన్ డిక్వెల్లా, లసిత్ ఎంబుల్దేనియా, విశ్వ ఫెర్నాండో, సురంగ లక్మల్, లాహిరు తిరుమణ్నె, లాహిరు కుమార, కుశాల్ మెండిస్(కీపర్), పథుం నిస్సాంక, జెఫ్రే వాండర్సే, ప్రవీణ్ జయవిక్రమ, చమిక కరుణరత్నే.
తుది జట్టు అంచనా..
దిముత్ కరుణరతనే(కెప్టెన్), పథుం నిస్సాంక, లాహిరు తిరుమణ్నె, ఏంజిలో మాథ్యూస్, దనంజయ డిసిల్వ,ఛరిత్ అసలంక, దినేశ్ చండీమల్, ప్రవీణ్ జయవిక్రమ, సురంగ లక్మల్, లసిత్ ఎంబుల్దేనియా, దుశ్మంత చమీర.
ఇరు జట్ల రికార్డు..
ఇప్పటి వరకు భారత్, శ్రీలంక మధ్య 44 టెస్టు మ్యాచ్లు జరగ్గా... టీమిండియా 20 మ్యాచ్ల్లో గెలిచింది. శ్రీలంక 7 మ్యాచ్ల్లో విజయం సాధించింది. 17 మ్యాచ్లు డ్రాగా ముగిశాయి.
ఏ ఛానల్లో చూడొచ్చంటే..
మ్యాచ్ శుక్రవారం ఉదయం 9:30గంటలకు ప్రారంభమవుతుంది. స్టార్స్పోర్ట్స్ ఛానల్లో ప్రత్యక్ష ప్రసారం అవుతుంది. డిస్నీ ప్లస్ హాట్స్టార్లో లైవ్ స్ట్రీమింగ్ ద్వారా కూడా చూడవచ్చు.
ఇదీ చదవండి: ఐపీఎల్ తర్వాత మరో రసవత్తర సిరీస్కు టీమ్ఇండియా రెడీ
