టీ20 ప్రపంచకప్ (T20 world cup 2021) కోసం క్రికెట్ అభిమానులు ఎంతో ఆత్రుతగా ఎదురుచూస్తున్నారు. అందుకు కారణం భారత్-పాకిస్థాన్ (Ind-Pak match) పోరు. ఇరుదేశాల మధ్య నెలకొన్న సందిగ్ధ వాతావరణం కారణంగా ఈ రెండు జట్లు ద్వైపాక్షిక సిరీస్ల్లో పాల్గొనట్లేదు. కేవలం మెగాటోర్నీల్లో మాత్రమే తలపడుతున్నారు. అందుకే ఈ మ్యాచ్కు అంత ప్రత్యేకత. అయితే ఈసారి జరగబోయే టీ20 ప్రపంచకప్ పోరులో భారత్పై పాకిస్థాన్ గెలిచి తీరుతుందని జోస్యం చెప్పాడు ఆ దేశ పేసర్ వాహబ్ రియాజ్(wahab riaz wife).
"పాక్ జట్టు భారత్పై గెలవగలదు. వారి సత్తా మేరకు ఆడితే భారత్తో పాటు ప్రపంచంలోని ఏ జట్టుపై అయినా పాక్ విజయం సాధించగలదు. టీ20 ఫార్మాట్లో విజయం అనేది కొద్ది బంతుల వ్యవధిలో మారిపోతూ ఉంటుంది. ఎవరు మెరుగ్గా ఆడితే వారు గెలుస్తారు. మ్యాచ్లో పాక్ సరిగా ఆడితే భారత్పై వారిదే విజయం. యూఏఈలోని పిచ్ పరిస్థితులు కూడా పాక్కు అనుకూలంగా ఉంటాయి. బాబర్ అజార్ సారథ్యంలోని ప్రస్తుత జట్టుకు టీ20 ప్రపంచకప్ గెలిచే సత్తా ఉంది."
-వాహబ్ రియాజ్, పాక్ పేసర్
గత టీ20 ప్రపంచకప్లో సెమీఫైనల్ చేరడంలో విఫలమైంది పాకిస్థాన్. దారుణ ప్రదర్శనలో గ్రూప్ 2లో నాలుగో స్థానంతో సరిపెట్టుకుంది. ఈసారి భారత్, అఫ్గానిస్థాన్, న్యూజిలాండ్తో కలిసి గ్రూప్-2లో ఉంది. భారత్-పాక్ మధ్య గ్రూప్ స్టేజ్ మ్యాచ్ అక్టోబర్ 24న జరగనుంది.
