డక్​వర్త్​ లూయిస్ పద్ధతిలో పాక్ విజయం - ఫకర్ జమాన్ మెరుపు సెంచరీ, కివీస్​కు కలిసిరాని లక్

Nz vs Pak World Cup 2023 : 2023 వరల్డ్​కప్​లో భాగంగా న్యూజిలాండ్ - పాకిస్థాన్​ బెంగళూరు వేదికగా తలపడ్డాయి. ఈ మ్యాచ్​లో పాకిస్థాన్.. డక్​వర్త్​ లూయిస్ పద్ధతిలో 21 పరుగుల తేడాతో నెగ్గింది.

Nz vs Pak World Cup 2023 : 2023 వరల్డ్​కప్​లో పాకిస్థాన్.. న్యూజిలాండ్​పై డక్​వర్త్​ లూయిస్ పద్ధతిలో 21 పరుగుల తేడాతో గెలిచింది. ఈ మ్యాచ్​లో తొలుత బ్యాటింగ్ చేసిన కివీస్ 50 ఓవర్లలో 6 వికెట్ల నష్టానికి 401 పరుగులు చేసింది. అనంతరం భారీ లక్ష్య ఛేదనలో పాకిస్థాన్ జెట్​ స్పీడ్​తో పరుగులు సాధించింది. ఫకర్ జమాన్ (126* పరుగులు, 81 బంతుల్లో; 8x4, 11x6), బాబర్ అజామ్ (66* 63 బంతుల్లో; 6x4, 2x6) మెరుపులకు కొండంత లక్ష్యం కరిగిపోతూ వచ్చింది. ఇక మ్యాచ్​ మధ్యలో వర్షం పలుమార్లు అంతరాయం కలిగించింది.

దీంతో తొలుత పాక్ లక్ష్యాన్ని 41 ఓవర్లకు 341కు కుదించారు. కాసేపటికి ఆట ప్రారంభమయ్యాక 25.3 ఓవర్ల వద్ద మరోసారి వర్షం వచ్చింది. అప్పటికి పాక్ 200-1తో నిలిచింది. అయితే డక్​వర్త్​ లూయిస్ ప్రకారం 25.3 ఓవర్లకు 179 పరుగులు చేస్తే చాలు. కానీ, పాక్ అంతకంటే ఎక్కువే చేయడం వల్ల పాకిస్థాన్​ విజేతగా నిలిచింది. సౌథీ ఒక వికెట్ పడగొట్టాడు. సూపర్ సెంచరీతో అదరగొట్టిన ఫకర్ జమాన్​కు 'మ్యాన్ ఆఫ్ ది మ్యాచ్' అవార్డు లభించింది.

అంతకుముందు బ్యాటింగ్ చేసిన కివీస్ బ్యాటర్లు కూడా ఆశకామే హద్దుగా చెలరేగిపోయారు. ముఖ్యంగా యంగ్ బ్యాటర్ రచిన్ రవీంద్ర (108) సెంచరీతో చెలరేగగా.. కెప్టెన్ విలియమ్సన్ (95) త్రుటిలో శతకం చేజార్చుకున్నాడు. ఓపెనర్ డేవన్ కాన్వే (35), చాప్​మన్ (39), గ్లెన్ ఫిలిప్స్ (41) రాణించారు. పాక్ బౌలర్లలో మహ్మద్​ వసీమ్ జాఫర్ 3, హారిస్ రౌఫ్, ఇఫ్తికార్ అహ్మద్, హసన్ అలీ తలో వికెట్ పడగొట్టారు.

ఈ మ్యాచ్​లో నమోదైన రికార్డులు..

• వన్డే మ్యాచ్​లో అత్యధిక సిక్స్​లు బాదిన పాకిస్థాన్​ బ్యాటర్​గా ఫకర్ జమాన్ (11) రికార్డు కొట్టాడు. అలాగే ఒక వరల్డ్​కప్ సీజన్​లో ఎక్కువ సిక్స్​లు బాదిన పాక్​ బ్యాటర్​గానూ ఫకర్ (18) టాప్​లో ఉన్నాడు.
• వరల్డ్​కప్​ ఒకే ఇన్నింగ్స్​లో అత్యధిక సిక్స్​లు బాదిన లిస్ట్​లో ఫకర్ నాలుగో ప్లేస్​లో కొనసాగుతున్నాడు. అతడి కంటే ముందు మోర్గాన్ (17 సిక్స్​లు), క్రిస్ గేల్ (16), మార్టిన్ గప్టిల్ (11) ముందున్నారు.
• ఈ మ్యాచ్​లో ఫకర్ జమాన్ - బాబర్ అజామ్ 194* పరుగుల భాగస్వామ్యం నమోదు చేశారు. వరల్డ్​కప్​లో పాకిస్థాన్​కు ఏ వికెట్​కైనా ఇదే అత్యుత్తమం. ఇదివరకు కూడా 1999లో సయీద్ అన్వర్ - వాస్తి కూడా 194 పరుగులు జోడించారు.

  • A blitz from Fakhar Zaman helped Pakistan stay ahead of New Zealand in a rain-affected encounter ✌
    
    With this win, Pakistan remain in contention for a #CWC23 knockout spot.#NZvPAK pic.twitter.com/QTOvEv0pLi

    — ICC (@ICC) November 4, 2023 " class="align-text-top noRightClick twitterSection" data="

    A blitz from Fakhar Zaman helped Pakistan stay ahead of New Zealand in a rain-affected encounter ✌
    
    With this win, Pakistan remain in contention for a #CWC23 knockout spot.#NZvPAK pic.twitter.com/QTOvEv0pLi

    — ICC (@ICC) November 4, 2023

    ">

    A blitz from Fakhar Zaman helped Pakistan stay ahead of New Zealand in a rain-affected encounter ✌
    
    With this win, Pakistan remain in contention for a #CWC23 knockout spot.#NZvPAK pic.twitter.com/QTOvEv0pLi

    — ICC (@ICC) November 4, 2023

  • " class="align-text-top noRightClick twitterSection" data="">