న్యూజిలాండ్ ఆల్రౌండర్ ఫెర్గూసన్(Ferguson NZ Cricket) టీ20 ప్రపంచకప్ టోర్నీకి దూరమైనట్లు కివీస్ క్రికెట్ బోర్డు స్పష్టం చేసింది. కాలి పిక్కలో చీలిక కారణంగా అతడు టోర్నీకి దూరమైనట్లు పేర్కొంది. మంగళవారం పాకిస్థాన్తో(NZ vs PAK t20) మ్యాచ్కు ముందు ఈ ప్రకటన చేసింది.
"గత రాత్రి ట్రైనింగ్ అనంతరం ఫెర్గూసన్ కుడి కాలు పిక్క భాగంలో చీలిక ఏర్పడినట్లు తెలిసింది. దీంతో ఎమ్ఆర్ఐ స్కాన్ తీయగా.. అది గ్రేడ్ 2 స్థాయి గాయమని స్పష్టమైంది. గాయం మానేందుకు మూడు నుంచి నాలుగు వారాల పాటు విశ్రాంతి తీసుకోవాలి" అని న్యూజిలాండ్ క్రికెట్ వెల్లడించింది.
ఫెర్గూసన్ పిక్కలో చీలిక ఏర్పడడంపై ఆ జట్టు ప్రధాన కోచ్ గారీ స్టెడ్ స్పందించాడు. "టీ20 ప్రపంచకప్ టోర్నీ సమయంలో ఫెర్గూసన్కు ఈ గాయమవడం బాధాకరం. జట్టు సభ్యులపై కూడా దీని ప్రభావం ఉంటుంది. ఫెర్గూసన్ మంచి ఫామ్లో ఉన్న బౌలర్. ఇలాంటి పరిస్థితుల్లో అతడు జట్టుకు దూరం కావడం బాధాకరం" అని స్టెడ్ తెలిపాడు.
ఫెర్గూసన్ స్థానంలో ఆడమ్ మిల్నేను జట్టులోకి తీసుకుంటున్నట్లు వెల్లడించింది కివీస్ బోర్డు. ఐసీసీ అనుమతి అనంతరం అతడికి జట్టులో ఆడే అవకాశం లభించనుంది.
ఇదీ చదవండి:
