భారత మహిళ క్రికెట్లో డే/నైట్ టెస్టు ఆడగల రోజు ఒకటస్తుందని తాను ఊహించలేదని చెప్పింది ఇండియా ఓపెనర్ స్మృతి మంధాన. ఆస్ట్రేలియా వేదికగా మరికొన్ని నెలల్లో జరగనున్న ఈ టెస్టు గురించి ఆసక్తికరంగా ఎదురు చూస్తున్నట్లు తెలిపింది. ఆసీస్ టూర్లో భాగంగా సెప్టెంబర్ 30 నుంచి అక్టోబర్ 3 వరకు పెర్త్ వేదికగా ఈ మ్యాచ్ జరగనుంది.
"నిజంగా చెప్పాలంటే, పురుషుల డే/నైట్ టెస్టు మ్యాచ్ చూస్తున్నప్పుడు.. నేను కూడా ఇలాంటి అనుభూతిని పొందగలనా? అని అనుకున్నా. ఆ సమయంలో నేను అనే మాటే చాలా తప్పు. కానీ, ఆసీస్తో డే/నైట్ టెస్టు ప్రకటించగానే, క్రేజీగా భావించా. చిన్నపిల్లలాగా ఎంజాయ్ చేశా. వావ్, మేమందరం డే/నైట్ టెస్టు ఆడబోతున్నామని సంతోషపడ్డా."
-స్మృతి మంధాన, భారత మహిళా క్రికెటర్
2006లో ఆసీస్తో చివరిసారి టెస్టు మ్యాచ్ ఆడింది. సెప్టెంబర్లో జరిగేది రెండోది. వచ్చే నెలలో ఇంగ్లాండ్తో మరో టెస్టు మ్యాచ్ ఆడనుంది భారత్. 2014లో ఇంగ్లాండ్తో జరిగిన మ్యాచ్లో ఆరు వికెట్ల తేడాతో గెలిచింది భారత్. అదే ఏడాది దక్షిణాఫ్రికాతో టెస్టు మ్యాచ్ ఆడింది ఇండియా. ఇందులో 34 పరుగుల తేడాతో విజయం సాధించింది.
"పింక్ బాల్ టెస్టుకు ఇంకా చాలా సమయం ఉంది. ఇప్పుడు మా దృష్టంతా వచ్చే నెల ఇంగ్లాండ్లో జరిగే టెస్టుపైనే ఉంది. అక్కడ డ్యూక్ బంతులతో ఆడాల్సి ఉంది. ఇంగ్లాండ్తో చాలా ఏళ్ల తర్వాత టెస్టు మ్యాచ్ ఆడనున్నామని తెలిసి సంతోషించా" అని మంధాన తెలిపింది.
ఇదీ చదవండి: 'ఇంగ్లాండ్లో పరిస్థితులు కివీస్కే అనుకూలం'
