ఆసియా కప్ ఫైనల్లో శ్రీలంక విజేతగా నిలిచినా.. ఇప్పుడా విజయంపై అనుమానాలు వ్యక్తమవుతున్నాయి. సీక్రెట్ కోడ్స్తో లంకేయులు చీట్ చేశారంటూ ప్రచారం జరుగుతోంది. అసలేం జరిగిందంటే..
మ్యాచ్పై తమ జట్టు పట్టు కోల్పోతున్న ప్రతి సందర్భలోనూ కోచ్ క్రిస్ వుడ్.. మ్యాచ్ మధ్యలో సీక్రెట్ కోడ్స్తో దర్శనమిస్తుంటాడు. అయితే ఇప్పుడా 'సీక్రెట్ కోడ్స్'పై పెద్ద చర్చ నడుస్తోంది. మ్యాచ్ మధ్యలో ప్రతిసారి 2D, D5, 4A, 4C, B4.. అంటూ ఆల్ఫాబెట్, న్యూమరికల్ కలగలిపిన కోడింగ్ ఫార్మాట్ను సిగ్నల్గా పంపిస్తున్నాడు. అయితే ఇది చాలా మందికి అర్థం కావట్లేదు.
అయితే దీనిపై అతడు గతంలోనే ఓ సారి చెప్పాడు. "ఇందులో రాకెట్ సైన్స్ ఏమీ లేదు. అవి మ్యాచ్ మధ్యలో కెప్టెన్కు ఇచ్చే సలహాలు మాత్రమే. బ్యాటర్ స్ట్రైక్లోకి వస్తే.. బాగా ఆడేందుకు ఉపయోగపడతాయి. అయినా చాలా జట్లు ఇలాంటి పద్ధతులను పాటిస్తున్నాయి. అవి కేవలం కెప్టెన్లకు సూచనలు మాత్రమే" అని కోచ్ సిల్వర్ వుడ్ అన్నాడు.
ఏదేమైనప్పటికీ సిల్వర్ వుడ్ పంపిన 'సీక్రెట్ కోడ్స్'ను కొందరేమో దీన్ని చీటింగ్ అంటుండగా, మరికొందరేమో ఇదొక స్ట్రేటజీ అంటూ కితాబిస్తున్నారు. గతంలో ఇంగ్లాండ్ కోచ్గా పనిచేసిన క్రిస్ సిల్వర్ వుడ్.. అక్కడ కూడా ఇలానే సీక్రెట్ కోడ్స్ పంపేవాడట. యాషెస్ సిరీస్లో ఆస్ట్రేలియా చేతిలో దారుణ ఓటమితో ఆ బాధ్యతల నుంచి తప్పుకున్న సిల్వర్ వుడ్, ప్రస్తుతం శ్రీలంక కోచ్గా నియమితుడై.. లంకేయులలో ఆత్మ విశ్వాసాన్ని నింపి విజేతగా నిలిపాడు.
ఇదీ చూడండి: రోహిత్-దినేశ్ కార్తీక్.. ఆ మ్యాజిక్ రిపీట్ అవుతుందా?
