టీమ్ఇండియా మాజీ కెప్టెన్ ధోనీ(Dhoni) టీచర్ పోస్టుకు దరఖాస్తు చేశాడు. అదీ సచిన్ తెందుల్కర్ తనయుడిగా. ఏమిటీ.. షాక్ అయ్యారా?.
ఛత్తీస్గఢ్ రాయ్పుర్లో ఉపాధ్యాయుడి పోస్టుకు దరఖాస్తు చేసినవారిలో ఒకరి పేరు ఎంఎస్ ధోనీ. అతడు తన తండ్రి పేరు స్థానంలో సచిన్ తెందుల్కర్ అని నింపాడు. ఇలా అరుదైన పేర్ల కాంబినేషన్ ఉన్నప్పటికీ ఇంటర్వ్యూ వరకు అతడి ఎంపిక జరిగింది.
అయితే మౌఖిక పరీక్షకు హాజరు కాకపోవడం వల్ల అసలు విషయం బయటపడింది. అభ్యర్థికి కాల్ చేసిన తర్వాత అది నకిలీ దరఖాస్తుగా తేలింది. ఈ 'ఎంఎస్ ధోనీ'.. దుర్గ్లోని సీఎస్వీటీయూ యూనివర్సిటీ నుంచి ఇంజనీరింగ్ పూర్తి చేశాడు.
ఈ దరఖాస్తు కాస్త సామాజిక మాధ్యమాల్లో వైరల్గా మారింది. సాధారణంగా ఇలాంటి వాటిని చూసీచూడనట్లు వదిలేసే అధికారులు.. నకిలీ దరఖాస్తుదారుడిపై ఎఫ్ఐఆర్ నమోదు చేయాలని నిర్ణయించారు.
ఇదీ చూడండి: ధోనీ, కోహ్లీ కాదు.. భారత ధనిక క్రికెటర్ ఎవరు?
