2019 వన్డే వరల్డ్ కప్ ఫైనల్లో విజయం సాధిస్తే.. అంతర్జాతీయ క్రికెట్ నుంచి రిటైర్మెంట్ అయ్యేవాడినని న్యూజిలాండ్ బ్యాట్స్మెన్ రాస్ టేలర్ అన్నారు. సౌతాంప్టన్ వేదికగా శుక్రవారం జరగనున్న వరల్డ్ టెస్ట్ ఛాంపియన్షిప్ ఫైనల్ మ్యాచ్లో భారత్తో న్యూజిలాండ్ తలపడనుంది. ఈ నేపథ్యంలోనే టేలర్ ఈ వ్యాఖ్యలు చేశాడు.
"2019 లో జరిగిన వరల్డ్కప్ ఫైనల్ మ్యాచ్ ఓడిపోవడం వల్ల నిరుత్సాహానికి గురయ్యాను. నాకదే చివరి ప్రపంచకప్ అని అందరూ అనుకుని ఉంటారు. కానీ ఇంకా అంతర్జాతీయ క్రికెట్లో ఉండటం ఆనందాన్నిచ్చింది. ఒకవేళ ఆ టోర్నీలో గెలిచి ఉంటే నేను రిటైర్ అయ్యేవాడిని"
-రాస్ టైలర్
టేలర్.. అన్ని ఫార్మాట్లలో కలిపి ఇప్పటివరకు 442 అంతర్జాతీయ మ్యాచ్లు ఆడాడు. 37 ఏళ్ల ఈ బ్యాట్స్మెన్ న్యూజిలాండ్ జట్టులో ఎక్కువ పరుగులు చేసిన ఆటగాడిగా నిలిచాడు. అంతర్జాతీయ క్రికెట్లో మొత్తంగా 18,000 పరుగులు చేశాడు.
ఇవీ చదవండి:
