ముంబయి ఇండియన్స్ ఐదుసార్లు కప్పు గెలవడంలో కీలక పాత్ర పోషించిన శ్రీలంక పేసర్ లసిత్ మలింగ.. ఐపీఎల్లో బౌలింగ్ కోచ్గా మారనున్నాడు. మలింగను ఫాస్ట్ బౌలింగ్ కోచ్గా నియమించుకుంది రాజస్థాన్ రాయల్స్. ఈ విషయాన్ని సోషల్ మీడియా వేదికగా ప్రకటించింది.
లసిత్ మలింగకు టీ20 క్రికెట్లో అద్భుతమైన రికార్డు ఉంది. రాజస్థాన్ రాయల్స్కు.. మలింగ సహచరుడు, శ్రీలంక మాజీ కెప్టెన్ కుమార సంగక్కర డైరెక్టర్గా వ్యవహరిస్తున్నాడు.
ఐపీఎల్ 2022లో సంజూ శాంసన్ నేతృత్వంలో బరిలోకి దిగనుంది రాజస్థాన్. జోస్ బట్లర్, యశస్వి జైస్వాల్, దేవ్దత్ పడిక్కల్, హెట్మైయర్లతో టాప్ ఆర్డర్ దృఢంగా ఉంది. ట్రెంట్ బౌల్ట్, నవదీప్ షైని, ప్రసిద్ధ్ కృష్ణలతో బౌలింగ్ లైనప్ కూడా పటిష్టంగా కనపడుతుంది. మార్చి 26న ఈ సీజన్ మొదలుకానుంది.
ఇదీ చదవండి:IPL 2022: వీరి ఆట చూసి తీరాల్సిందే!
