ఐపీఎల్ 14వ సీజన్ కోసం నెట్ ప్రాక్టీస్ మొదలెట్టేశాడు టీమ్ఇండియా మాజీ క్రికెటర్ సురేశ్ రైనా. చెన్నై సూపర్కింగ్స్ జట్టుకు ప్రాతినిధ్యం వహిస్తున్న రైనా.. తన కెప్టెన్ ఎంఎస్ ధోనీ జెర్సీని ధరించి ప్రాక్టీసు చేస్తుండటం విశేషం. దానికి సంబంధించిన ఫొటోలు ప్రస్తుతం నెట్టింట వైరల్గా మారాయి.
సీఎస్కేలో ధోనీ తర్వాత రెండో ప్రధాన ఆటగాడిగా కొనసాగుతోన్న సురేశ్ రైనా.. గతేడాది జట్టుతో పాటు యూఏఈ బయల్దేరినా, కుటుంబ కారణాల వల్ల సీజన్ ప్రారంభానికి ముందే స్వదేశానికి వచ్చాడు. ఆ తర్వాత జట్టు వెబ్సైట్ నుంచి రైనా పేరును తొలగించింది ఫ్రాంచైజీ. దీంతో ఇతడితో కాంట్రాక్టును చెన్నై ముగించిందంటూ వార్తలు వచ్చాయి. కానీ అనూహ్యంగా రైనాను ఈ సీజన్ కోసం అట్టిపెట్టుకున్నట్లు ప్రకటించింది యాజమాన్యం.
ఇదీ చూడండి: ఐపీఎల్2021: ఫ్రాంచైజీల షాకింగ్ రిటెన్షన్స్!
