చెన్నై సూపర్ కింగ్స్ బ్యాట్స్మన్ సురేష్ రైనా మరో రికార్డును అందుకున్నాడు. ఐపీఎల్లో 200 సిక్స్లు కొట్టిన ఆటగాళ్ల జాబితాల్లో స్థానం పొందాడు. ఈ ఘనత సాధించిన నాలుగో భారత ప్లేయర్గా, మొత్తంగా ఏడో క్రికెటర్గా ఫీట్ సాధించాడు.
బెంగళూరుతో జరిగిన మ్యాచ్లో చెన్నై ఇన్నింగ్స్ 10వ ఓవర్లో బంతిని స్టాండ్స్లోకి పంపిన రైనా.. ఈ ఫీట్ను సాధించాడు. ఈ మ్యాచ్లో 18 బంతుల్లో 24 పరుగులు చేసిన రైనా.. హర్షల్ పటేల్ బౌలింగ్లో వెనుదిరిగాడు.
యూనివర్స్ బాస్ గేల్ 354 సిక్స్లతో ఈ జాబితాలో ఎవరికీ అందనంత ఎత్తులో ఉన్నాడు. తర్వాతి స్థానాల్లో డివిలియర్స్, రోహిత్, ధోనీ, కోహ్లీ, పొలార్డ్ కొనసాగుతున్నారు.
ఇవీ చదవండి: రాజస్థాన్కు ఎదురుదెబ్బ- లీగ్ను వీడిన మరో ఆటగాడు
