'ధోనీకి ఇదే చివరి ఐపీఎల్​.. రిటైర్మెంట్​ లాంఛనమే.. ఇదివరకే హింట్స్​ ఇచ్చాడు'

MS Dhoni Retirement IPL : దిగ్గజ క్రికెట్ ప్లేయర్ ఎంఎస్​ ధోనీ రిటైర్మెంట్​పై పెద్ద ఎత్తున చర్చ జరుగుతోంది. వచ్చే ఐపీఎల్​ నుంచి ధోనీ ఆడడని విశ్లేషణలు వెలువడుతున్నాయి. దీనికి బలం చేకూర్చేలా గత కొన్ని రోజుల నుంచి అనుమానాస్పద ఘటనలు జరుగుతున్నాయి. దీంతో ధోనీ ఐపీఎల్​ నుంచి రిటైర్మెంట్​ తీసుకోవడం లాంఛనమే అని మాజీ లెజెండ్ తేల్చేశారు. ఆ వివరాలు..

MS Dhoni Retirement IPL : ఐపీఎల్ 16వ సీజన్​లో​ ఎక్కడ.. ఏ మ్యాచ్​ జరుగినా.. ధోనీ ధోనీ అంటూ మైదానం మారుమోగిపోయింది. స్టేడియం మొత్తం పసుపు వర్ణంతో మెరిసింది. దీనికి కారణం ధోనీకి ఉన్న అశేష అభిమానగణమే. ఇప్పుడీ దిగ్గజ ప్లేయర్​ రిటైర్మెంట్​పై తెగ చర్చ నడుస్తోంది. ఈ విషయంలో ధోనీ ఏ నిర్ణయం తీసుకుంటాడో అని అటు ఫ్యాన్య్​తో పాటు ఇటు ప్లేయర్లు, మాజీలు కూడా ఉత్కంఠతో ఎదురుచూస్తున్నారు. అప్పుడప్పుడు మాజీ క్రికెటర్లు ఈ విషయంపై తమ అభిప్రాయాన్ని తెలియజేస్తున్నారు. అయితే గత కొన్ని రోజుల నుంచి వెలువడుతున్న విశ్లేషణలు, జరుగుతున్న పరిణామాలను బట్టి చూస్తే.. ధోనికి ఇదే చివరి ఐపీఎల్​ అనే సందేహం కలుగుతోంది. దీనికి బలం చేకూర్చేలా ఆదివారం కోల్​కతా, చెన్నై మధ్య జరిగిన మ్యాచ్​లో కొన్ని అనుమానాస్పద ఘటనలు జరిగాయి.

ఈ కోల్​కతా, చెన్నై మ్యాచ్​ అనంతరం ప్లేయర్లంతా మైదానంలో కలియతిరిగారు. దీనికి తోడు అలనాటి క్రికెట్​ దిగ్గజం సునీల్​ గవాస్కర్​ తన షర్ట్​పై.. ధోనీ ఆటోగ్రాఫ్​ను తీసుకున్నాడు. దీంతో ధోనీకిదే చివరి ఐపీఎల్​ అనే అనుమానాలు బలపడ్డాయి. మరోవైపు టీమ్ఇండియా మాజీ క్రికెటర్​ మహ్మద్​ కైఫ్​ కూడా ఈ అనుమానాన్నే వ్యక్తం చేశారు. 'నేను అనుకుంటున్న దాని ప్రకారం.. ఇదే తన చివరి ఐపీఎల్​ అని ఇప్పటికే ధోనీ చాలా హింట్స్​ ఇచ్చాడు. తన నిర్ణయాన్ని అంచనా వేయడాన్ని క్రికెట్​ ప్రపంచానికే వదిలేశారు. ఇలా చేయడం ఆయన నేచర్​. నాకు తెలిసినంత వరకు ధోనీ వచ్చే ఐపీఎల్​లో ఆడడు' అని కైఫ్​ అభిప్రాయపడ్డాడు. అయితే, సునీల్​ గావస్కర్​ ఇప్పటి వరకు ఎవరి ఆటోగ్రాఫ్ తీసుకోలేదని.. అలాంటిది ధోనీ సంతకం తీసుకున్నాడంటే.. అతడు ఎంత గొప్ప ఆటగాడో అర్థమవుతుంది అని కైఫ్​ చెప్పుకొచ్చాడు. దీనికి భిన్నంగా చెన్నై సూపర్ కింగ్స్​ సీఈఓ కాశీ విశ్వనాథన్​ స్పందించారు. ధోనీ వచ్చే సీజన్​లో కూడా ధోనీ ఆడతాడని.. అందుకు అభిమానులు ఎల్లవేళలా అతడికి ఇలాగే సపోర్ట్ చేయాలని కోరాడు.

ధోనీ అన్ని అంతర్జాతీయ ఫార్మాట్ల నుంచి రిటైర్​ అవడానికి ముందు కూడా అతడి రిటైర్మెంట్​పై ఇలాగే పెద్ద ఎత్తున చర్చ జరిగింది. అప్పుడు కూడా ధోనీ ఏదీ వెల్లడించలేదు. అభిమానులకే వదిలేశారు. చివరకు 15 ఆగస్టు 2020న రిటైర్మెంట్​ ప్రకటించాడు. ఏది ఏమైన ధోనీ ఫ్యాన్స్​కు ఇది మింగుడుపడని విషయమనే చెప్పాలి. ఆదివారం మైదానంలో జరిగిన అనుమానాస్పద ఘటనపై రకరకాలుగా స్పందించారు అభిమానులు.

• It's over for MSD in IPL🥹
  We will miss u

  — Haider Khan 🇮🇳💚 (@ind_iw0) May 14, 2023 " class="align-text-top noRightClick twitterSection" data="

  It's over for MSD in IPL🥹
  We will miss u

  — Haider Khan 🇮🇳💚 (@ind_iw0) May 14, 2023

  ">

  It's over for MSD in IPL🥹
  We will miss u

  — Haider Khan 🇮🇳💚 (@ind_iw0) May 14, 2023

• ఇవీ చదవండి :