దిల్లీ క్యాపిటల్స్తో జరిగిన మ్యాచ్లో కోల్కతా బ్యాట్స్మెన్ తడబడ్డారు. టాస్ ఓడి బ్యాటింగ్ దిగిన కోల్కతా నిర్ణీత 20 ఓవర్లలో 6 వికెట్లు కోల్పోయి 154 పరుగులు చేసింది. ఓపెనర్లు శుభ్మన్గిల్(43), నితీశ్ రానా(15) శుభారంభాన్నిచ్చినా.. తర్వాత బరిలో దిగిన బ్యాట్స్మెన్ రాణించలేకపోయారు.
ఆ తర్వాత వచ్చిన రాహుల్ త్రిపాఠి(19) ఫర్వాలేదనిపించినా.. మిడిల్ ఆర్డర్లో కెప్టెన్ ఇయాన్ మోర్గాన్, సునీల్ నరైన్ డకౌట్ అవ్వడం వల్ల టీమ్ స్కోరుపై ప్రభావం పడింది. ఆండ్రూ రస్సెల్(45) చివర్లో వచ్చి విధ్వంసం సృష్టించాడు. దిల్లీ బౌలర్లు అక్షర్ పటేల్, లలిత్యాదవ్ చెరో రెండు వికెట్లు పడగొట్టగా.. మార్కస్ స్టోయినిస్, ఆవేశ్ ఖాన్ తలో వికెట్ సాధించారు.
ఇదీ చూడండి.. 'ధోనీ స్థానానికి అతడే సరైన ఎంపిక'
