ఐపీఎల్లో రాయల్ ఛాలెంజర్స్ బెంగళూరు, ముంబయి ఇండియన్స్ల తొలి మ్యాచ్కు రంగం సిద్ధమైంది. టాస్ గెలిచిన బెంగళూరు బౌలింగ్ ఎంచుకుంది. బెంగళూరులో ఈ మ్యాచ్ జరగనుండగా.. చిన్నస్వామి స్టేడియం ఆర్సీబీ అభిమానులతో నిండిపోయింది. కరోనా తర్వాత జరుగుతున్న మ్యాచ్లు కాగా.. కోహ్లీ టీమ్ను ఛీర్ చేయడానికి పెద్ద సంఖ్యలో ఫ్యాన్స్ విచ్చేశారు. ఆర్సీబీ, ఆర్సీబీ అంటూ నినాదాలతో హోరెత్తిస్తున్నారు. గత మూడు సీజన్లుగా మంచి ప్రదర్శన చేస్తున్న బెంగళూరు.. ఈ సారి ఎలాగైనా కప్పు కొట్టాలన్న సంకల్పంతో ఉంది. మరోవైపు, గతేడాది అత్యంత దారుణ ప్రదర్శన చేసిన రోహిత్ సేన నేతృత్వంలోని ముంబయి ఇండియన్స్.. ఈ ఏడాది ఐపీఎల్ను ఘనంగా ఆరంభించాలని ఆశిస్తోంది.
ముంబయి ఇండియన్స్ సారథి రోహిత్ శర్మ ఇటీవలి కాలంలో బ్యాటుతో పెద్దగా ఆకట్టుకోవడం లేదు. అతడి ప్రదర్శన జట్టుకు కీలకం కానుంది. రెండు జట్లను గాయాలు వేధిస్తున్నాయి. గాయాల కారణంగా హెజిల్వుడ్, పాటీదార్, శ్రీలంక జట్టులో ఆడుతున్న హసరంగ వంటి ప్లేయర్స్ ఆర్సీబీకి దూరంగా ఉన్నారు. ముంబయికి కీలకమైన బుమ్రా గాయంతో ఇబ్బంది పడుతున్నాడు. జై రిచర్డ్సన్ సైతం టీమ్కు దూరమయ్యాడు.
రోహిత్ రికార్డు
రోహిత్ శర్మ సారథిగా 200వ టీ20 మ్యాచ్లు ఆడనున్నాడు. టీ20ల్లో కెప్టెన్గా ఈ ఘనత సాధించిన మూడో ఆటగాడిగా రోహిత్ రికార్డుకెక్కాడు. అంతకుముందు ఎంఎస్ ధోనీ ఈ రికార్డు సాధించగా.. వెస్టిండీస్ వీరుడు డారెన్ సామి ఈ జాబితాలో రెండో స్థానంలో ఉన్నాడు. ధోనీ ఏకంగా 307 టీ20లకు సారథ్యం వహించాడు. డారెన్ సామి 208 మ్యాచ్లకు కెప్టెన్గా పనిచేశాడు. ఈ సీజన్లో అన్ని మ్యాచ్లు ఆడితే రోహిత్.. డారెన్ సామి రికార్డును అధిగమించి రెండో స్థానానికి చేరుకునే అవకాశం ఉంది. మరోవైపు, 150కి పైగా టీ20లకు సారథ్యం వహించిన ఆటగాళ్లలో రోహిత్ శర్మ గెలుపు శాతం అత్యధికంగా 62.31 శాతంగా ఉంది.
జట్లు
రాయల్ ఛాలెంజర్స్ బెంగళూరు: విరాట్ కోహ్లీ, ఫాఫ్ డుప్లెసిస్ (కెప్టెన్), గ్లెన్ మాక్స్‌వెల్, మైఖేల్ బ్రేస్‌వెల్, షాబాజ్ అహ్మద్, దినేశ్ కార్తీక్ (కీపర్), కరణ్ శర్మ, హర్షల్ పటేల్, ఆకాశ్ దీప్, రీస్ టాప్లీ, మహ్మద్ సిరాజ్
ముంబయి ఇండియన్స్: రోహిత్ శర్మ (కెప్టెన్), ఇషాన్ కిషన్ (కీపర్), సూర్యకుమార్ యాదవ్, కామెరూన్ గ్రీన్, తిలక్ వర్మ, టిమ్ డేవిడ్, నెహాల్ వధేరా, హృతిక్ షోకీన్, పీయూష్ చావ్లా, జోఫ్రా ఆర్చర్, అర్షద్ ఖాన్
సబ్స్టిట్యూట్లు
రాయల్ ఛాలెంజర్స్ బెంగళూరు: అనుజ్ రావత్, సుయాశ్ ప్రభుదేసాయి, మహిపాల్ లామ్రోర్, సోనూ యాదవ్, డేవిడ్ విల్లీ.
ముంబయి ఇండియన్స్: జేసన్ బెహ్రెన్‌డార్ఫ్, విష్ణు వినోద్, షామ్స్ ములానీ, సందీప్ వారియర్, రమణదీప్ సింగ్.
