ఇండియన్ ప్రీమియర్ లీగ్ 16వ సీజన్‌లో రాయల్ ఛాలెంజర్స్ బెంగళూరు మరో విజయాన్ని ఖాతాలో వేసుకుంది. గురువారం పంజాబ్ కింగ్స్‌తో జరిగిన మ్యాచ్లో 24 పరుగుల తేడాతో గెలుపొందింది. బ్యాటింగ్లో కోహ్లీ, డుప్లెసిస్, బౌలింగ్లో హైదరాబాదీ పేసర్ సిరాజ్ అద్భుత ప్రదర్శనతో ఈ విజయం దక్కింది. ముఖ్యంగా సిరాజ్ నాలుగు ఓవర్లలో 21 పరుగులిచ్చి ఏకంగా నాలుగు వికెట్లు పడగొట్టేశాడు. అలా అతడు పంజాబ్ను చిత్తు చేయడం మ్యాచ్కే హైలైట్గా నిలిచింది. అయితే అతడు తీసిన వికెట్లతో హర్ప్రీత్ సింగ్ బాటియాను డైరెక్ట్ హిట్తో రనౌట్ చేయడం మ్యాచ్కు స్పెషల్గా నిలిచిందనే చెప్పాలి. అంటే ఒక రకంగా సిరాజ్ ఐదు వికెట్ల ఫీట్‌(నాలుగు వికెట్లు+ రనౌట్) తన ఖాతాలో వేసుకున్నట్టే. ఐపీఎల్‌లో అతడికి ఇది బెస్ట్ బౌలింగ్ ఫిగర్స్ అని చెప్పొచ్చు.
ఎలా తీశాడంటే.. ఇన్నింగ్స్‌ ఆరో ఓవర్లో విజయ్‌కుమార్‌ వేసిన మూడో బాల్ను ప్రభ్సిమ్రన్ సింగ్ మిడాఫ్‌ దిశగా బాదాడు. వెంటనే సింగిల్‌ తీసే ప్రయత్నం చేసిన అతడు.. నాన్‌స్ట్రైక్‌ ఎండ్లో ఉన్న హర్ప్రీత్ బాటియాకు కాల్‌ ఇచ్చాడు. ఇక ప్రభ్సిమ్రన్ పిలుపుతో హర్ప్రీత్ పరిగెత్తాడు. కానీ అప్పటికే బంతిని అందుకున్న సిరాజ్ డైరెక్ట్ త్రో విసిరాడు. అలా హర్ప్రీత్ క్రీజులోకి వచ్చేలోపే బాల్ వికెట్లను గిరాటేసింది. దీంతో అతడు రనౌట్‌గా వెనుదిరిగాడు. అయితే డైరెక్ట్ త్రోతో అదిరిపోయే రనౌట్ చేసిన సిరాజ్.. స్టార్ ఫుట్బాల్ రొనాల్డోలా 'Siuuu' సెలబ్రేషన్‌ చేసుకున్నాడు.దీనికి సంబంధించిన వీడియో సోషల్‌ మీడియాలో ట్రెండ్ అవుతోంది.
ఇక మ్యాచ్ ముగిసిన అనంతరం సిరాజ్ తన ప్రదర్శనపై మాట్లాడాడు. "మ్యాచ్లో ఫస్ట్ బాల్ షార్ట్‌ లెంగ్త్‌ వేశాను.. కానీ ఆ తర్వాత నుంచి స్వింగ్‌పై ఫోకస్ పెట్టి వికెట్‌ తీయాలని అనుకున్నాను. అలానే అది సక్సెస్ అయింది. లాక్‌డౌన్‌ నాలో చాలా మార్పును తీసుకొచ్చింది. అంతకుముందు ఆడిన మ్యాచ్‌ల్లో వికెట్లు తీసినప్పటికీ బౌండరీలు సమర్పించుకునేవాడిని. దీంతో ప్రతిఒక్కరు నన్ను టార్గెట్‌ చేశారు. అందుకే దీనిని మార్చాలనుకునన్నా. అందుకోసం నా ప్రణాళిక, ఫిట్‌నెస్‌, బౌలింగ్ స్టైల్‌ను పూర్తిగా మార్చుకున్నను. ఇకపోతే మైదానంలో నేను డీసెంట్‌ ఫీల్డర్‌నే. మిస్‌ఫీల్డ్‌ చేయడం సహజం. కానీ ప్రతి మ్యాచ్‌లోనూ ఫీల్డింగ్‌ను సీరియస్‌గా తీసుకుని ఆడుతా" అని సిరాజ్ చెప్పుకొచ్చాడు.
ఇక ఈ మ్యాచ్లో 175 పరుగుల లక్ష్యంతో బ్యాటింగ్ చేసిన పంజాబ్ కింగ్స్.. 18.2 ఓవర్లలో 150 పరుగుల చేసి ఆలౌట్ అయింది. ఆ జట్టు బ్యాటర్లలో ఓపెనర్‌ ప్రభ్సిమ్రన్ సింగ్ (46; 30 బంతుల్లో 3x4, 4x6), జితేశ్ శర్మ (41; 27 బంతుల్లో 2x4, 3x6) స్కోరు చేసినా ఫలితం దక్కలేదు. సిరాజ్ బౌలింగ్తో చిత్తైపోయింది. ఫలితంగా ఆర్సీబీ 24 రన్స్ తేడాతో విజయం సాధించింది.
-
WHAT A THROW, SIRAJ 🔥pic.twitter.com/iFouuBYLpe
— Johns. (@CricCrazyJohns) April 20, 2023 " class="align-text-top noRightClick twitterSection" data="
">WHAT A THROW, SIRAJ 🔥pic.twitter.com/iFouuBYLpe
— Johns. (@CricCrazyJohns) April 20, 2023WHAT A THROW, SIRAJ 🔥pic.twitter.com/iFouuBYLpe
— Johns. (@CricCrazyJohns) April 20, 2023
ఇదీ చూడండి: IPL 2023 RCB VS PBKS : పంజాబ్ను చిత్తు చేసిన సిరాజ్.. ఆర్సీబీ విజయం
