IPL 2022: కోల్కతాతో జరిగిన మ్యాచ్లో రాజస్థాన్ 7 పరుగుల తేడాతో విజయం సాధించింది. 218 పరుగుల లక్ష్యంతో బరిలోకి దిగిన కోల్కతాకు.. బ్యాటర్లు ఆది నుంచి దూకుడుగా ఆడుతూ స్కోరు బోర్డును పరుగులు పెట్టించారు. ఆఖరి ఓవర్ వరకు సాగిన మ్యాచ్లో కోల్కతా 210 పరుగులు చేసి ఆలౌటైంది. ఓపెనర్ ఆరోన్ ఫించ్ ఆకాశమే హద్దుగా చెలరేగాడు. 9 ఫోర్లు, రెండు సిక్సులతో 28 బంతుల్లోనే 58 పరుగులు చేశాడు. కెప్టెన్ శ్రేయస్ అయ్యర్ 7 ఫోర్లు, 4 సిక్సర్లతో 51 బంతుల్లోనే 85 పరుగులతో దూకుడుగా ఆడాడు. చివర్లో ఉమేష్ యాదవ్ పోరాడినా ఫలితం దక్కలేదు. రాజస్థాన్ బౌలర్ యజ్వేంద్ర చాహల్ హ్యాట్రిక్ తీసి విజయంలో కీలక పాత్ర పోషించాడు.
అంతకుముందు టాస్ ఓడి బ్యాటింగ్కు దిగిన రాజస్థాన్.. భారీ స్కోరు సాధించింది. ఆ జట్టు బ్యాటర్లు ఎడాపెడా బౌండరీలు, సిక్సర్లతో పరుగుల సునామీ సృష్టించారు. ఓపెనింగ్కు దిగిన జోస్ బట్లర్ మరోసారి శతకంతో చెలరేగాడు. క్రీజులోకి రావడం ఆలస్యం ఫోర్లు, సిక్సర్లతో విరుచుకుపడ్డాడు. వన్డౌన్లో దిగిన సంజూ శాంసన్ సైతం పరుగుల వరద పారించాడు. దీంతో రాజస్థాన్ 20 ఓవర్లలో 217 పరుగుల భారీ స్కోరు చేసింది. ఐదు వికెట్లు కోల్పోయింది.
ఇదీ చదవండి: బట్లర్ వీరబాదుడు... మళ్లీ సెంచరీ... రాజస్థాన్ భారీ స్కోరు
