IPL 2022: ముంబయి ఇండియన్స్ రాత మారలేదు. లీగ్లో వరుసగా ఆరో మ్యాచ్లోనూ ఓటమిపాలైంది. శనివారం లఖ్నవూ చేతిలో 18 పరుగుల తేడాతో ఓటమిపాలైంది. 200 పరుగుల భారీ లక్ష్య ఛేదనలో బరిలోకి దిగిన ముంబయి.. 181/9 కే పరిమితమైంది. ఓపెనర్లు ఇషాన్ కిషన్ (13), రోహిత్ శర్మ (6) మరోసారి విఫలమయ్యారు. బ్రెవిస్ (31) ఉన్నంతసేపు మెరిశాడు. సూర్యకుమార్ (37), తిలక్ వర్మ (26) రాణించారు. ఆఖర్లో పొలార్డ్ (25), ఉనద్కత్ (14) పోరాడారు. లఖ్నవూ బౌలర్లలో అవేశ్ ఖాన్ 3 వికెట్లతో సత్తాచాటాడు. హోల్డర్, రవి బిష్ణోయ్, స్టోయినిస్, చమీరా తలో వికెట్ తీశారు.
అంతకుముందు టాస్ ఓడి బ్యాటింగ్ దిగిన లఖ్నవూ.. కెప్టెన్ కేఎల్ రాహుల్ శతకంతో చెలరేగడం వల్ల నిర్ణీత 20ఓవర్లలో199/4 పరుగులు చేసింది. మనీశ్ పాండే, క్వింటన్ డికాక్ ఫర్వాలేదనిపించారు. ముంబయి బౌలర్లలో జయదేవ్ ఉనద్కత్ రెండు వికెట్లు తీయగా.. మురుగన్ అశ్విన్, ఫేబియన్ అలెన్ చెరో వికెట్ పడగొట్టారు.
