KL Rahul: లఖ్నవూ సూపర్జెయింట్స్ సారథి కేఎల్ రాహుల్ అరుదైన రికార్డు సాధించాడు. ఐపీఎల్లో ఒకే ప్రత్యర్థిపై మూడు సెంచరీలు సాధించిన తొలి బ్యాటర్గా ఘనత దక్కించుకున్నాడు. ఆదివారం ముంబయి ఇండియన్స్పై చేసిన శతకంతో (103) ఈ ప్రత్యేకతను సంతరించుకున్నాడు.
ఈ సీజన్లోనే ఏప్రిల్ 16న ముంబయిపై శతకం బాదిన రాహుల్.. మూడేళ్ల క్రితం వాంఖడే వేదికగా ఇదే జట్టుపై తన తొలి సెంచరీ నమోదు చేశాడు. టీ20ల్లో అత్యధిక శతకాలు సాధించిన భారత క్రికెటర్ల జాబితాలో రోహిత్తో (6) సమంగా నిలిచాడు రాహుల్. వీరి తర్వాతి స్థానాల్లో కోహ్లీ (5), సురేశ్ రైనా (4) ఉన్నారు.
రాహుల్కు భారీ జరిమానా: ఆదివారం ముంబయితో జరిగిన మ్యాచ్లో స్లో ఓవర్ రేట్ కారణంగా రాహుల్కు రూ.24 లక్షల భారీ జరిమానా పడింది. మిగిలిన ప్లేయర్లకు రూ.6 లక్షల వరకు విధించారు. ఈ సీజన్లో రాహుల్కు జరిమానా పడటం ఇది రెండోసారి. మరోసారి ఈ తప్పిదం జరిగితే అతడు జరిమానాతో పాటు ఓ మ్యాచ్లో నిషేధాన్ని ఎదుర్కోవాల్సి ఉంటుంది.
ఇవీ చూడండి:
రాతమారని ముంబయి.. ఎనిమిదో ఓటమితో టోర్నీ నుంచి ఔట్
