DC vs KKR: కోల్కతా నైట్రైడర్స్తో మ్యాచ్లో టాస్ ఓడి బ్యాటింగ్కు దిగిన దిల్లీ క్యాపిటల్స్ భారీ స్కోరు చేసింది. నిర్ణీత 20 ఓవర్లలో 5 వికెట్లు కోల్పోయి 215 పరుగులు చేసింది. ఓపెనర్లు పృథ్వీ షా, వార్నర్ దూకుడుగా ఆడారు. వీరిద్దరూ కలిసి తొలి వికెట్కు 8.4 ఓవర్లలోనే 93 పరుగులు జోడించారు. షా పవర్ప్లేలో చెలరేగిపోయాడు. 27 బంతుల్లోనే అర్ధసెంచరీ చేసి 51 పరుగులకు అవుటయ్యాడు. ఇందులో 7 ఫోర్లు, 2 సిక్సర్లు ఉన్నాయి. ఆ తర్వాత వచ్చిన పంత్ 14 బంతుల్లోనే 2 ఫోర్లు, 2 సిక్సర్లతో 27 పరుగులు చేసి పెవిలియన్ చేరాడు. ఆ సమయంలో లలిత్ యాదవ్(1), పావెల్ను (8) వరుస ఓవర్లలో ఔట్ చేసి కోల్కతాను పోటీలోకి తీసుకొచ్చాడు నరైన్. మరుసటి ఓవర్లో వార్నర్ను 61(45 బంతుల్లో) ఉమేశ్ ఔట్ చేశాడు.
12 ఓవర్లకు 137-1గా ఉన్న స్కోరు.. 17 ఓవర్లకు 167-5కు చేరింది. అయితే.. ఆఖర్లో షార్దుల్ ఠాకుర్, అక్షర్ పటేల్ ఫోర్లు, సిక్సర్లతో మైదానాన్ని హోరెత్తించారు. ఠాకుర్ 11 బంతుల్లోనే 29 పరుగులు చేశాడు. ఇందులో ఒక ఫోర్, 3 సిక్సర్లు ఉన్నాయి. అక్షర్ 2 ఫోర్లు, ఓ సిక్సర్తో 14 బంతుల్లోనే 22 రన్స్ చేశాడు. కోల్కతా బౌలర్లలో నరైన్ రెండు వికెట్లు తీయగా.. వరుణ్ చక్రవర్తి, ఉమేశ్ యాదవ్, రసెల్ తలో వికెట్ తీశారు. కమిన్స్ 4 ఓవర్లలో వికెట్ తీయకుండా 51 పరుగులు ఇచ్చాడు. ఉమేశ్, చక్రవర్తి కూడా ధారాళంగా పరుగులు సమర్పించుకున్నారు. నరైన్, రసెల్ మాత్రమే కాస్త పొదుపుగా బౌలింగ్ చేశారు. తొలుత టాస్ గెలిచిన కేకేఆర్.. దిల్లీకి బ్యాటింగ్ అప్పగించింది. దిల్లీలో నోర్జే స్థానంలో ఖలీల్ అహ్మద్ జట్టులోకి వచ్చాడు. కోల్కతా ఎలాంటి మార్పులు లేకుండానే బరిలోకి దిగింది.
ఇవీ చూడండి: గతేడాది ఆరెంజ్ క్యాప్.. ఈసారి 20 పరుగులు కూడా చేయలేక..!
