Delhi Capitals Covid 19: దిల్లీ క్యాపిటల్స్కు మరో ఎదురుదెబ్బ తగిలింది. జట్టులోని ఓ విదేశీ ఆటగాడికి కరోనా పాజిటివ్గా నిర్ధరణ అయ్యింది. దీంతో బుధవారం పంజాబ్ కింగ్స్తో జరగాల్సిన తమ తదుపరి మ్యాచ్ కోసం సోమవారం పుణె వెళ్లాల్సిన ఆ ఫ్రాంఛైజీ.. ప్రయాణాన్ని రద్దు చేసుకుంది.
కరోనా బారినపడిన ఆటగాడు.. ఆస్ట్రేలియా ఆల్రౌండర్ అని తెలుస్తోంది. అతడిలో కొన్ని లక్షణాలు కనపడటం వల్ల ర్యాపిడ్ యాంటిజెన్ పరీక్షలు చేయగా, అందులో పాజిటివ్గా తేలింది. దీంతో ఆటగాళ్లు సహా సహాయక సిబ్బంది తమ గదుల్లోనే ఉండాలని ఫ్రాంఛైజీ ఆదేశించింది. వారందరికీ ఆర్టీపీసీఆర్ పరీక్షలు నిర్వహించనున్నారు.
ఇప్పటికే దిల్లీ ఫిజియో ప్యాట్రిక్ ఫార్హార్ట్ కరోనా బారినపడ్డారు. ప్రస్తుతం అతడు క్వారంటైన్లో ఉన్నాడు. కొవిడ్ సోకిన సమయంలో ప్యాట్రిక్‌ను కలిసిన, సన్నిహితంగా మెలిగిన ప్లేయర్లకు, సిబ్బందికి కరోనా పరీక్షలు నిర్వహించగా వారెవరికీ పాజిటివ్ రాలేదు.
ఇదీ చూడండి: IPL 2022: దిల్లీ క్యాపిటల్స్లో కరోనా కలకలం
