ఐపీఎల్ వేడుకకు అంతా సిద్ధమైంది. నేటి(ఏప్రిల్ 9) నుంచి ప్రారంభమయ్యే 14వ సీజన్.. ప్రేక్షకుల్లేకుండానే జరగనుంది. తొలి మ్యాచ్లో డిపెండింగ్ ఛాంపియన్ ముంబయి ఇండియన్స్.. రాయల్ ఛాలెంజర్స్ బెంగళూరుతో తలపడనుంది. మరి ఆ జట్ల గురించి విశేషాలు మీకోసం.
ఐదు నెలల క్రితం యూఏఈలో జరిగిన ఐపీఎల్లో విజేతగా నిలిచిన ముంబయి ఇండియన్స్ అదే ఉత్సాహంతో ఈ సీజన్లోనూ బరిలోకి దిగుతోంది. ఆరోసారి కప్పు కొట్టాలని ప్రణాళికలు రచిస్తోంది. రోహిత్ శర్మ, సూర్యకుమార్ యాదవ్, హార్దిక్ పాండ్య, పొలార్ట్, ఇషాన్ కిషాన్లతో బ్యాటింగ్ లైనప్... కృనాల్ పాండ్య, బుమ్రా, బౌల్ట్, రాహుల్ చాహుర్లతో లోయర్ ఆర్డర్ బలంగానే ఉంది. అయితే ప్రతి సీజన్లోనూ దాదాపు తొలి మ్యాచ్ ఓడిపోయే ఈ జట్టు.. ఈసారి ఏం చేస్తుందో?
ఇప్పటివరకు ఒక్కసారైనా కప్పు సాధించలేకపోయిన బెంగళూరు జట్టు.. ప్రస్తుత సీజన్లో దానిని అధిగమించాలనుకుంటోంది. ఈసారి కోహ్లీ, డివిలియర్స్కు తోడుగా విధ్వంసక మ్యాక్స్వెల్ ఉండటం వీరికి కలిసొచ్చే అంశం. మరోవైపు యువ బ్యాట్స్మెన్ దేవ్దత్ పడిక్కల్, మహమ్మద్ అజహరుద్దీన్తో పాటు చాహల్, సిరాజ్, సైనీ తదితరులు తమ వంతు పాత్ర పోషించేందుకు సిద్ధమవుతున్నారు. మరి ఈ సీజన్లో వీళ్లందరూ కలిసి ఎలాంటి ప్రదర్శన చేస్తారో చూడాలి?
జట్లు(అంచనా)
ముంబయి: రోహిత్ శర్మ(కెప్టెన్), ఇషాన్ కిషన్, సూర్యకుమార్ యాదవ్, హార్దిక్ పాండ్య, పొలార్డ్, కృనాల్ పాండ్య, జేమ్స్ నీషమ్, కౌల్టర్నైల్, రాహుల్ చాహర్, బౌల్ట్, బుమ్రా.
బెంగళూరు: కోహ్లీ(కెప్టెన్), దేవ్దత్ పడిక్కల్, డివిలియర్స్, మ్యాక్స్వెల్, అజహరుద్దీన్, ఫిన్ అలెన్, వాషింగ్టన్ సుందర్, సైనీ, చాహల్, సిరాజ్, రిచర్డ్సన్
