ఐపీఎల్లో ఆదివారం మరో రసవత్తరపోరుకు రంగం సిద్ధమైంది. అహ్మదాబాద్లోని నరేంద్రమోదీ స్టేడియం వేదికగా దిల్లీ క్యాపిటల్స్, పంజాబ్ కింగ్స్ జట్లు తలపడనున్నాయి. ఈ సీజన్లో ఇరు జట్లు తలపడటం ఇది రెండోసారి. తొలి మ్యాచ్లో పంజాబ్ నిర్దేశించిన భారీ లక్ష్యాన్ని దిల్లీ అలవోకగా ఛేదించింది. ఇరుజట్లు ఇప్పటికే ఏడేసి మ్యాచ్లాడగా.. దిల్లీ జట్టు ఐదు విజయాలతో పాయింట్ల పట్టికలో రెండో స్థానంలో ఉంది. మూడు విజయాలు సాధించిన పంజాబ్ ఐదో స్థానంలో నిలిచింది.
జోరు కొనసాగేనా?
కోల్కతాతో జరిగిన గత మ్యాచ్లో స్వల్ప లక్ష్యాన్ని అలవోకగా ఛేదించింది పంత్ సేన. ఈ సీజన్లో కేవలం రెండు ఓటములతో ఉన్న దిల్లీ.. ప్రతి మ్యాచ్లోనూ ఆల్రౌండ్ ప్రదర్శన చేస్తూ వస్తోంది. బ్యాటింగ్లో ఓపెనర్లు పృథ్వీ షాతో పాటు శిఖర్ ధావన్ అద్భుత ప్రదర్శన చేస్తున్నారు. మిడిల్ ఆర్డర్లో కెప్టెన్ పంత్తో పాటు స్టోయినిస్, హెట్మెయర్ బ్యాటింగ్లో రాణిస్తున్నారు.
మరోవైపు బౌలింగ్లో పేసర్ అవేశ్ ఖాన్ మంచి ప్రదర్శన చేస్తున్నాడు. టోర్నీలో అత్యధిక వికెట్ల పడగొట్టిన బౌలర్ల జాబితాలో రెండో స్థానంలో ఉన్నాడు. రబాడా, ఇషాంత్, అక్షర్ పటేల్, లలిత్ యాదవ్ బౌలింగ్లో రాణిస్తున్నారు. ఈ మ్యాచ్లో గెలుపుతో పాయింట్ల పట్టికలో అగ్రస్థానానికి చేరుకోవాలని దిల్లీ క్యాపిటల్స్ వ్యూహాలను రచిస్తోంది.
పంజాబ్కు ఎదురుందా?
రాయల్ ఛాలెంజర్స్తో ఆడిన చివరి మ్యాచ్లో పంజాబ్ ఆల్రౌండ్ ప్రదర్శన చేసింది. బ్యాటింగ్లో 91 పరుగులతో అజేయంగా నిలిచిన రాహుల్.. కెప్టెన్ ఇన్నింగ్స్ ఆడి జట్టు విజయంలో కీలకపాత్ర పోషించాడు. కొత్తగా జట్టులోకి వచ్చిన హర్ప్రీత్ బ్రార్ మూడు కీలక వికెట్లతో పాటు బ్యాటింగ్లో 25 పరుగులు చేసి మ్యాచ్ టర్నింగ్ పాయింట్గా నిలిచాడు. రవి బిష్ణోయ్(రెండు వికెట్లు) రూపంలో పంజాబ్ జట్టుకు మంచి సహకారం లభించింది.
బ్యాటింగ్లో సారథి రాహుల్తో పాటు క్రిస్ గేల్, దీపక్ హుడా రాణిస్తున్నారు. పంజాబ్ మిడిలార్డర్ కూడా ఫర్వాలేదనిపిస్తుంది. ఇక బౌలింగ్లో మెరిడిత్, షమీ, జోర్డాన్ రాణిస్తున్నప్పటికీ.. ఎక్కువ పరుగులు ప్రత్యర్థికి సమర్పిస్తున్నారు. ఆర్సీబీపై విజయంతో ఆత్మవిశ్వాసంతో ఉన్న పంజాబ్ జట్టు ఈ మ్యాచ్ల ో కచ్చితంగా గెలవాలని సన్నహాలు చేస్తోంది.
తుదిజట్లు(అంచనా)..
దిల్లీ క్యాపిటల్స్: పృథ్వీ షా, శిఖర్ ధావన్, స్టీవ్ స్మిత్, రిషబ్ పంత్ (కెప్టెన్, వికెట్ కీపర్), మార్కస్ స్టోయినిస్, షిమ్రాన్ హెట్మేయిర్, ఆక్షర్ పటేల్, లలిత్ యాదవ్, కగిసో రబాడా, ఇశాంత్ శర్మ, అవేశ్ ఖాన్.
పంజాబ్ కింగ్స్: రాహుల్ (కెప్టెన్), ప్రభుసిమ్రాన్, గేల్, నికోలస్ పూరన్, దీపక్ హుడా, షారుఖ్ ఖాన్, క్రిస్ జోర్డాన్, మహ్మద్ షమీ, రవి బిష్ణోయ్, మెరిడిత్, హర్ప్రీత్ బ్రార్.
ఇదీ చదవండి: కరోనా వారియర్స్ గౌరవార్థం కొత్త జెర్సీలో ఆర్సీబీ
