సన్రైజర్స్ హైదరాబాద్ సారథి వార్నర్కు తన కుటంబం అంటే ఎంత ఇష్టమో ప్రత్యేకంగా చెప్పనక్కర్లేదు. ఖాళీ దొరికితే వారితో కలిసి ఎంతో సరదాగా గడుపుతూ దానికి సంబంధించిన విషయాలను అభిమానులతో పంచుకుంటుంటాడు. ఇప్పుడు తన కుటుంబంపై ఉన్న ప్రేమను మరోసారి తెలియజేశాడు వార్నర్. అభిమానులంతా దీని గురించే మాట్లాడుకునేలా చేశాడు.
ప్రస్తుతం వార్నర్ ఐపీఎల్లో ఆడుతున్నాడు. అయితే అతడు ధరించిన షూస్ నెటిజన్లను బాగా ఆకట్టుకుంటున్నాయి. ఎందుకంటే వాటిపై తన భార్య(క్యాండిస్), ముగ్గురు కూతుర్ల పేర్లు(ఇవి, ఇండి, ఇస్లా) ఉండటమే దీనికి కారణం. దీనికి సంబంధించిన ఫొటో నెట్టింట్లో వైరల్గా మారింది. దీనిద్వారా అతడికి తన కుటుంబమంతే ఎంత ఇష్టమో మరోసారి తెలియజేశాడు.
గతంలో స్టార్ ఫుట్బాలర్ డేవిడ్ బెక్హమ్ దాదాపు పదేళ్ల క్రితం ఇదే తరహాలో తన పిల్లల పేర్లను షూస్పై ముద్రించుకున్నాడు. అప్పట్లో దీనికి సంబంధించిన ఫొటో తెగ వైరల్ అయింది.
