IPL 2023 CSK Captain : ఐపీఎల్ చరిత్రలోనే అత్యధిక సార్లు ఫైనల్కు చేరిన జట్టుగా.. అత్యధిక అభిమానులు ఉన్న జట్టుగా చెన్నై సూపర్ కింగ్స్ పేరు సంపాదించుకుంది. లీగ్ చరిత్రలోనే రెండో విజయవంతమైన జట్టుగా సీఎస్కే రికార్డు సృష్టించింది. టోర్నీ ఆరంభం నుంచి చెన్నై కెప్టెన్గా కొనసాగుతున్న మహేంద్ర సింగ్ ధోనీ 2022లో జట్టు సారథ్య బాధ్యతల నుంచి తప్పుకున్నాడు. ఆల్రౌండర్ రవీంద్ర జడేజాకు కెప్టెన్గా అవకాశం ఇచ్చింది యాజమాన్యం. కానీ టీం పేలవ ప్రదర్శనతో ఒత్తిడిని తట్టుకోలేని జడ్డూ.. మళ్లీ ధోనీని సారథ్య బాధ్యతలు చేపట్టాలని కోరగా అందుకు ధోనీ అంగీకరించాడు. మరి ఈసారి కెప్టెన్గా ఎవరు కొనసాగుతారనే దానిపై చెన్నై సూపర్ కింగ్స్ యాజమాన్యం కీలక నిర్ణయం తీసుకున్నట్లు తెలుస్తోంది. నాలుగు సార్లు కప్పు తెచ్చిపెట్టిన మహేంద్ర సింగ్ ధోనీనే మళ్లీ 2023లోనూ సీఎస్కే కెప్టెన్గా ఉంటాడని జట్టు సీఈఓ కాశీ విశ్వనాథన్ ప్రకటన చేశారు.
2008లో ఐపీఎల్ మొదలైన నాటి నుంచి సీఎస్కే జట్టు కెప్టెన్గా కొనసాగుతున్నాడు ధోనీ. గతేడాది జడేజా సారథ్యం వహించిన తొలి ఎనిమిది మ్యాచ్‌ల్లో ఆరింట్లో చెన్నై ఓడిపోయింది. డిఫెండింగ్‌ ఛాంపియన్‌గా బరిలో దిగిన సీఎస్కే ఆరంభంలో ఎదురైన ఓటముల వల్లే ప్లేఆఫ్స్‌కు చేరే అవకాశాలను కోల్పోయింది. వచ్చే ఐపీఎల్‌లోనూ ఆడతానని ధోనీ గత సీజన్లోనే స్పష్టం చేశాడు.
ఇవీ చదవండి: దాయాదితో పోరుకు సిద్ధం.. జడేజా స్థానాన్ని భర్తీ చేసేదెవరు?
సన్రైజర్స్ సంచలన నిర్ణయం.. టామ్ మూడికి గుడ్బై.. కొత్త కోచ్ ఎవరంటే.
