IPL 2022 Unsold Players: రెండు రోజుల పాటు ఆసక్తిగా సాగిన ఐపీఎల్ మెగావేలం ముగిసింది. ఈ వేలంలో కొంతమంది ప్లేయర్లు అనూహ్య రీతిలో భారీ ధర పలకగా.. మరికొంత మంది ఆటగాళ్ల ధరలు సగానికి పైగా పడిపోయాయి. అసలు ఈ మెగాటోర్నీకి పర్యాయపదంగా మారిన కొంతమంది స్టార్ ప్లేయర్లను కొనుగోలు చేయడానికి ఫ్రాంఛైజీలు అసలు ఆసక్తి కూడా చూపలేదు. ఓ సారి అన్సోల్డ్గా మిగిలిపోయిన టాప్ ఆటగాళ్లపై ఓ లుక్కేద్దాం..
సురేశ్రైనా
IPL 2022 Suresh Raina: సురేశ్ రైనా.. ఇతడిని చెన్నై అభిమానులు ముద్దుగా చిన్న తలా అని పిలుచుకుంటారు. 2008 నుంచి సీఎస్కేకు ప్రాతినిధ్యం వహిస్తున్న అతడు ఆ జట్టు విజయాల్లో ఎన్నో సార్లు కీలకంగా వ్యవహరించాడు. కెరీర్లో ఇప్పటివరకు 205 ఐపీఎల్ మ్యాచులు ఆడి 5528 పరుగులు చేశాడు. కానీ అతడికి తాజా మెగాఆక్షన్లో నిరాశ ఎదురైంది. రూ.2కోట్లు కనీస ధరతో బరిలో దిగిన అతడిని సీఎస్కేనే కాకుండా మిగతా ఏ జట్లు కూడా కొనుగోలు చేయడానికి ఆసక్తి చూపలేదు. అయితే.. ఫామ్లో లేని కారణంగానే అతన్ని తీసుకోలేదని సీఎస్కే తెలిపింది. తమ టీంకు ఫిట్ కాడని భావించినట్లు స్పష్టం చేసింది.
ఇయాన్ మోర్గాన్
IPL 2022 News: 2019 వన్డే ప్రపంచకప్ విజేతగా నిలిపిన ఇయాన్ మోర్గాన్.. గతసీజన్లో కేకేఆర్కు సారథిగా ఉన్నాడు. కాగా, ఆర్సీబీ కెప్టెన్గా కోహ్లీ తప్పుకున్న నేపథ్యంలో అతడు ఆ జట్టుకు సారథి అవుతాడని అంతా అనుకున్నారు. అయితే ఊహించని విధంగా అతడిని ఏ జట్టు కూడా తీసుకోలేదు.
అరోన్ ఫించ్
గతేడాది జరిగిన టీ20 ప్రపంచకప్లో ఆస్ట్రేలియాను అరోన్ ఫించ్ విజేతగా నిలిపాడు. ఇప్పటివరకు 87 మ్యాచులు ఆడి 2005 రన్స్ చేశాడు. అందులో 14 హాఫ్ సెంచరీలు ఉన్నాయి. రూ.1.5 కోట్లతో వేలంలోకి వచ్చిన అతడి వైపు ఏ జట్టు కూడా కన్నెత్తి చూడలేదు.
స్టీవ్ స్మిత్
ఆస్ట్రేలియా స్టార్ బ్యాటర్.. గత సీజన్లో దిల్లీ క్యాపిటల్స్కు ఆడాడు. ఆడిన 8 మ్యాచుల్లో 152 పరుగులు మాత్రమే చేశాడు. గత కొద్ది కాలంగా టీ20 ఫార్మాట్లో పెద్దగా రాణించలేకోపోతున్నాడు. అందుకే ఇతడిని ఎవరూ తీసుకోలేదు.
షకీబుల్ హసన్
గత సీజన్లో ఇతడు పెద్దగా ఆడలేకపోయాడు. దీంతో కేకేఆర్ అతడిని వేలంలోకి వదిలింది. అయినా ఇతడి కొనుగోలు చేసేందుకు ఎవరూ సాహసం చేయలేదు.
ఆదిల్ రషీద్
సన్రైజర్స్ నుంచి రషీద్ ఖాన్ వెళ్లిపోయాక అతడి స్థానంలో ఆదిల్ రషీద్ను తీసుకుంటారని అభిమానులు అనుకున్నారు. కానీ అతడి ఆ జట్టుతో పాటు మిగతా ఫ్రాంఛైజీలు కూడా కొనే ప్రయత్నం చేయలేదు.
ఇమ్రాన్ తాహిర్
దక్షిణాఫ్రికా సీనియర్ లెగ్ స్నిన్నర్.. గత సీజన్లో సీఎస్కేకు ప్రాతినిధ్యం వహించాడు. కానీ బెంచ్కే పరిమితమయ్యాడు. దీంతో ఇతడిపైనా ఫ్రాంఛైజీలు ఆసక్తి చూపలేదు.
ఇంగ్లాండ్ క్రికెటర్ డేవిడ్ మలాన్, ఆస్ట్రేలియా ప్లేయర్ క్రిస్ లిన్, దక్షిణాఫ్రికా స్టార్ బౌలర్ షమ్సీని తీసుకోవాడనికి ఏ ఫ్రాంఛైజీ కూడా ఆసక్తి చూపలేదు.
ఇదీ చదవండి: IPL 2022: సీఎస్కే.. ఈ సారి వేలంలో రూటు మార్చిందిగా!
