IPL 2022: దేశంలో ఐపీఎల్ ఫీవర్ మొదలైంది. క్రికెట్ ప్రియుల దృష్టంతా ఈ మహా సంగ్రామంపైకి మళ్లింది. ఈ ఏడాది లీగ్లోకి కొత్తగా చేరిన రెండు జట్లతో కలిపి మొత్తం పది జట్లు తలపడనున్నాయి. క్రీడా ప్రపంచంలో ఉన్న లీగ్స్ అన్నింటిలో ఐపీఎల్ రూటే వేరు. ఏ లీగ్ ఇవ్వలేని లాభాల్ని ఐపీఎల్ ఆటగాళ్లతో పాటు బీసీసీఐకు ఇస్తుంది. ఇప్పటివరకు లీగ్ చరిత్రలో కొందరు ఆటగాళ్లు వంద కోట్ల రూపాయలకు పైగా ఆర్జించారు. ఇక, ఐపీఎల్లో అత్యధికంగా సంపాదించిన ఆటగాళ్లు ఎవరు? ఎంతెంత సంపాదించారు? వంటి వివరాలను ఓ సారి పరిశీలిద్దాం..
Players Who Have Earned The Most Money In IPL History
ఏబీ డివిలియర్స్: దక్షిణాఫ్రికా దిగ్గజ ఆటగాడు ఏబీ డివిలియర్స్.. 2022 ఐపీఎల్ మెగా వేలంలో పాల్గొనలేదు. ఇప్పటివరకు మిస్టర్ 360 మొత్తం రూ.1,02,51,65,000 (100 కోట్లకు పైగా) సంపాదించి లీగ్ లో అత్యధికంగా సంపాదించిన వారి జాబితాలో ఐదో స్థానంలో నిలిచాడు. డివిలియర్స్ గతేడాది క్రికెట్కు వీడ్కోలు పలికాడు.
సురేష్ రైనా: ఒకప్పుడు టీమ్ఇండియా మిడిలార్డర్లో ధనాధన్ బ్యాటింగ్తో అదరగొట్టిన రైనా.. తర్వాత ఫామ్ కోల్పోయాడు. చాలాకాలం పాటు తుది జట్టులో స్థానం కోసం ఆశగా ఎదురుచూసి అంతర్జాతీయ క్రికెట్కు రిటైర్మెంట్ ప్రకటించాడు. ఇక, ఐపీఎల్లో అయినా అతడి ఆట చూడొచ్చనుకున్న అభిమానులకు ఫ్రాంఛైజీలు నిరాశ మిగిల్చాయి. రైనాను ఈ ఏడాది ఏ జట్టు కొనుగోలు చేయడానికి ఆసక్తి చూపలేదు. కాగా, ఇప్పటివరకు ఇతడు రూ. 1,10,74,00,00 (రూ. 110 కోట్లకు పైగా) సంపాదించాడు. రైనా తన ఐపీఎల్ కెరీర్‌లో ఎక్కువ భాగం చెన్నై సూపర్ కింగ్స్ తరపున ఆడాడు.
విరాట్ కోహ్లీ: 2013 నుంచి 2021 వరకు రాయల్ ఛాలెంజర్స్ జట్టు సారథిగా వ్యవహరించిన విరాట్ కోహ్లీ ఒక్క సారి కూడా జట్టుకు ట్రోఫీ అందించలేకపోయాడు. అయితే ఇప్పటివరకు లీగ్ చరిత్రలో కోహ్లీ రూ.1,58,20,00,000 (రూ. 150 కోట్లకు పైగా) ఆర్జించాడు. గత నాలుగు సీజన్లుగా బెంగుళూరు ఫ్రాంఛైజీ.. కోహ్లీకి రూ.17 కోట్లు చెల్లిస్తుండగా.. ఈ ఏడాది రూ.15 కోట్లు ఇవ్వనుంది.
రోహిత్ శర్మ: ఐపీఎల్ చరిత్రలో అత్యుత్తమ కెప్టెన్గా పేరు సంపాదించిన ముంబయి జట్టు సారథి రోహిత్ శర్మ ఈ జాబితాలో రెండో స్థానంలో నిలిచాడు. ఇప్పటివరకు లీగ్ చరిత్రలో హిట్మ్యాన్ రూ.1,62,60,00,000 ( రూ. 160 కోట్లకు పైగా) సంపాదించాడు. ఈ ఏడాది ముంబయి జట్టు రోహిత్కు రూ.16 కోట్లు చెల్లించనుంది. లీగ్ చరిత్రలో అత్యధికంగా అయిదు సార్లు కప్పును అందించాడు హిట్మ్యాన్.
ఎంఎస్ధోనీ: చెన్నై సూపర్ కింగ్స్ జట్టు మాజీ కెప్టెన్ ఎంఎస్ ధోనీ ఈ జాబితాలో అగ్రస్థానంలో ఉన్నాడు. ఇప్పటివరకు ఐపీఎల్లో అతడి మొత్తం సంపాదన రూ. 1,64,84,00,000 (రూ. 164 కోట్లకు పైగా) ఉంది. గత నాలుగు సీజన్లలో చెన్నై జట్టు ధోనీకి ఏటా 15 కోట్ల రూపాయిలు చెల్లించింది. అయితే ఈ ఏడాది అతడి జీతం 12 కోట్లకు తగ్గించింది.
ఇదీ చదవండి: IPL 2022: హ్యాట్రిక్ వికెట్ల వీరులు వీరే.. రోహిత్ శర్మ సహా..
