IPL 2022 Kohli Buttler: ఈ ఏడాది ఐపీఎల్లో ఫైనల్ చేరిన రాజస్థాన్కు ఆరెంజ్, పర్పుల్ క్యాప్ దక్కినప్పటికీ ట్రోఫీ మాత్రం కలగానే మిగిలిపోయింది. బ్యాటింగ్లో బట్లర్, బౌలింగ్లో చాహల్ అదరగొట్టినా.. కప్ మాత్రం మిస్ అయిపోయింది. అయితే ఇప్పుడు బట్లర్కు ఎదురైన ఓ చేదు అనుభవమే ఆరేళ్ల కింద కోహ్లీకీ ఎదురైంది. ప్రస్తుతం అభిమానులు దీని గురించి సోషల్మీడియాలో మాట్లాడుకుంటున్నారు. ఈ ఇద్దరు ఆడిన తీరు, తన టీమ్స్ను ఫైనల్కు తీసుకెళ్లిన విధానం.. ఇంకా చాలానే పోలికలు కలిశాయి.
2016లో కోహ్లీ ఏకంగా 973 పరుగులు చేసి.. ఒక సీజన్లో అత్యధిక రన్స్ చేసిన రికార్డును నమోదు చేశాడు. ఆ ఏడాది నాలుగు సెంచరీలు బాదాడు. ఆడినా ప్రతిమ్యాచ్లోనూ చెలరేగిపోయి జట్టును ఫైనల్స్కు చేర్చాడు. ఆ తుదిపోరులో హాఫ్ సెంచరీ కొట్టినా సన్రైజర్స్ చేతిలో ఓటమి తప్పలేదు.
అయితే 2022లో బట్లర్ది ఇదే పరిస్థితి. ఈ సీజన్లో ఇతడే టాప్ స్కోరర్. కోహ్లీ రికార్డును అందుకోలేదు కానీ.. 863 పరుగులతో ఆరెంజ్ క్యాప్ను దక్కించుకున్నాడు. కోహ్లీ లాగే నాలుగు శతకాలు బాదాడు. ఫైనల్లోనూ తన జట్టును గెలిపించుకోవడం కోసం గట్టిగానే ప్రయత్నించాడు. అయినా జట్టుకు ఓటమి తప్పలేదు.
ఇక ఆ సీజన్లో ఆర్సీబీ పాయింట్ల పట్టికలో రెండో స్థానంలో నిలవగా.. ఈ సీజన్లో రాజస్థాన్ రెండో ప్లేస్లోనే నిలిచింది. ఇక అప్పుడు, ఇప్పుడూ టాప్లో గుజరాత్ టీమే ఉండటం విశేషం. మరో విశేషమేమిటంటే.. అప్పుడు కోహ్లీ, ఇప్పుడు బట్లర్.. మే 29నే ఫైనల్ ఆడారు. ఇలా ఆ సీజన్.. ఈ సీజన్లో అనేక పోలీకలు కలిశాయి.
ఇదీ చూడండి: ఐపీఎల్ 2022లో రికార్డుల మోత.. ఎవరెవరు ఏమేం సాధించారంటే?
