IPL 2022 GT VS LSG: జట్టు నిండా పవర్హిట్టర్లతో ఉన్న గుజరాజ్ టైటాన్స్, లఖ్నవూ సూపర్జెయింట్స్.. విజయంతో ఐపీఎల్ వేటను ఆరంభించాలని ఆరాటపడుతున్నాయి. 15వ సీజన్లో కొత్తగా చేరిన ఈ జట్లు సోమవారం తమ తొలి మ్యాచ్లో పరస్పరం ఢీ కొనబోతున్నాయి. ముంబయిలోని వాంఖడే స్టేడియం వేదికగా రాత్రి 7.30 గంటలకు మ్యాచ్ ప్రారంభంకానుంది. ఈ నేపథ్యంలో ఇరు జట్ల బలబలాలు ఎలా ఉన్నాయంటే..
శుభ్మన్ గిల్, అఫ్గాన్ బ్యాటర్-వికెట్కీపర్ రహ్మానుల్లా గుర్బాజ్తో గుజరాత్ ఓపెనింగ్ చేయించవచ్చు. ఇక తమ సారథి హార్దిక్పై ఆ జట్టు అధికంగా ఆధారపడే అవకాశం ఉంది. గతంలో ముంబయికి ఆడటం వల్ల వాంఖడే పిచ్పై అతడికి అమితమైన అనుభవం ఉంటుంది. ఆల్రౌండర్లు రాహుల్ తెవాతియా, విజయ్ శంకర్ బాధ్యత తీసుకోవాల్సిన అవసరం ఉంది. ఇక బౌలింగ్ దళానికి మహ్మద్ షమీ నాయకత్వం వహించనున్నాడు. రషీద్ఖాన్ కీలకం కానున్నాడు.
అతడిపైనే భారం: లఖ్నవూ జట్టులో క్వింటన్ డికాక్తో ఓపెనింగ్కు దిగనున్న కెప్టెన్ కేఎల్ రాహుల్పైనే అధికంగా బాధ్యత ఉంది. దీపక్ హుడా, కృనాల్ పాండ్య, వెస్టిండీస్ హిట్టర్ జేసన్ హోల్డర్ లాంటి ఆల్రౌండర్లు సహా మిడిల్ఆర్డర్లో మనీష్ పాండే ముఖ్య భూమిక పోషించాలి. అవేశ్ ఖాన్ నేతృత్వంలోని బౌలింగ్ విభాగం, రవి బిష్ణోయ్ గూగ్లీలు గుజరాత్ను ఇబ్బంది పెట్టే అవకాశం ఉంది.
ఇదీ చదవండి: స్విస్ ఓపెన్ టైటిల్ విజేతగా పీవీ సింధు.. ప్రణయ్కు నిరాశ
