IPL 2022: ఐపీఎల్ మెగా వేలం ప్రక్రియ త్వరలోనే ప్రారంభంకానున్న నేపథ్యంలో బీసీసీఐ కీలక ప్రకటన చేసింది. కొత్త ఫ్రాంఛైజీలైన లఖ్నవూ, అహ్మదాబాద్కు డెడ్లైన్ విధించింది. వేలానికి ముందు ఇరు జట్లు ముగ్గురు ఆటగాళ్లను రిటైన్ చేసుకోవాల్సి ఉంది. ఈ నేపథ్యంలో బీసీసీఐ ప్రకటన చేసిందని ఐపీఎల్ ఛైర్మన్ బ్రిజేశ్ పటేల్ పేర్కొన్నారు.
'అహ్మదాబాద్, లఖ్నవూ జట్లకు జనవరి 22 వరకు డెడ్లైన్ విధించాం. ఈలోపు తాము చెరో ముగ్గురు ఆటగాళ్లను(ఇద్దరు స్వదేశీ, ఓ విదేశీ) రిటైన్ చేసుకోవాలి.' అని బ్రిజేశ్ పటేల్ తెలిపారు. ఈ మేరకు సంబంధిత ఫ్రాంఛైజీలకు మెయిల్ చేసినట్లు వెల్లడించారు.
ఫార్మల్ క్లియరెన్స్..
అయితే.. మంగళవారమే రెండు కొత్త ఫ్రాంఛైజీలకు అధికారిక అనుమతులు ఇచ్చింది బీసీసీఐ. ఐపీఎల్ పాలక మండలి సమావేశం అనంతరం లఖ్నవూ, అహ్మదాబాద్ ఫ్రాంఛైజీలకు బీసీసీఐ ఫార్మల్ క్లియరన్స్ ఇచ్చినట్లు ఐపీఎల్ ఛైర్మన్ బ్రిజేశ్ పటేల్ తెలిపారు.
కాగా, ఐపీఎల్ మెగావేలం తేదీ కూడా ఖరారైనట్లు బ్రిజేశ్ స్పష్టం చేశారు. బెంగళూరు వేదికగా ఫిబ్రవరి 12, 13 తేదీల్లో ఈ ప్రక్రియ నిర్వహించనున్నట్లు వెల్లడించారు.
టైటిల్ స్పాన్సర్గా టాటా గ్రూప్స్..
IPL Title Sponsor: దేశంలో అతిపెద్ద వ్యాపార సంస్థ అయిన టాటా గ్రూప్‌.. ఈ ఏడాది ఐపీఎల్ టైటిల్ కొత్త స్పాన్సర్గా వ్యవహరించనుంది. ఇప్పటివరకు టైటిల్ స్పాన్సర్గా ఉన్న చైనా మొబైల్‌ తయారీ సంస్థ 'వీవో' వైదొలగనుంది. ఈ మేరకు ఐపీఎల్ కమిటీ నిర్ణయించినట్లు ఐపీఎల్ ఛైర్మన్ బ్రిజేశ్ పటేల్ వెల్లడించారు.
ఇదీ చదవండి:
'కంగారూల గడ్డపై టెస్టు సిరీస్ విజయం.. ఓ సువర్ణాధ్యాయం'
బాక్సర్ లవ్లీనాకు సీఎం సత్కారం.. డీఎస్పీగా బాధ్యతలు అప్పగింత
