Sunrisers Hyderabad vs Rajasthan Royals: ఐపీఎల్ 2022లో తొలి మ్యాచ్కు సన్రైజర్స్, రాజస్థాన్ రాయల్స్ సిద్ధమైపోయాయి. టాస్ గెలిచిన సన్రైజర్స్ బౌలింగ్ ఎంచుకుంది. తొలి గేమ్లో రాణించి పాయింట్ల పట్టికలో బోణీ కొట్టాలని ఇరు జట్లు ఉవ్విళ్లూరుతున్నాయి.
IPL 2022 5th match: భారీ ధర పెట్టి కొనుగోలు చేసిన నికోలస్ పూరన్, సారథి కేన్ విలియమ్సన్.. సన్రైజర్స్కు మూలస్తంభాలుగా నిలవనున్నారు. ఇక ఎప్పటిలాగే ఆ జట్టు బౌలింగ్ విభాగం మెరుగ్గా ఉంది. డెత్ ఓవర్స్ స్పెషలిస్ట్ భువనేశ్వర్ కుమార్, యార్కర్ కింగ్ నటరాజన్, యువ పేసర్ ఉమ్రాన్ మాలిక్లపై సన్రైజర్స్ ఆధారపడనుంది. వాషింగ్టన్ సుందర్, శ్రేయస్ గోపాల్ సైతం కీలకంగా మారనున్నారు.
ఈ ఐపీఎల్కు రాజస్థాన్ రాయల్స్ సైతం మెరుగ్గా సన్నద్ధమైంది. విధ్వసంక జోస్ బట్లర్, దేవ్దత్ పడిక్కల్ సహా కెప్టెన్ సంజూ శాంసన్ రాణిస్తే.. రాజస్థాన్ను ఆపడం కష్టమే. పవర్ హిట్టర్ హెట్మెయర్, వాండర్ డుస్సెన్, జిమ్మీ నీషమ్, రియాన్ పరాగ్తో మిడిల్ ఆర్డర్ బలంగా ఉంది. రవిచంద్రన్ అశ్విన్, యుజ్వేంద్ర చాహల్ చేరికతో బౌలింగ్ దళం సైతం పటిష్ఠంగా కనబడుతోంది. గతేడాది ముంబయి తరఫున అద్భుత ప్రదర్శన చేసిన ట్రెంట్ బౌల్ట్ నేతృత్వంలో ప్రసిద్ధ్ కృష్ణ, నవదీప్ సైనీ కూడా కీలకం కానున్నారు.
ఇదీ చదవండి: 'మేం కప్పు గెలిస్తే డివిలియర్స్నే గుర్తు చేసుకుంటా'
