ఐపీఎల్ ప్రస్తుత సీజన్లో కోహ్లీ.. తన స్టాండర్డ్స్కు తగ్గట్లు ఆడలేదని భారత మాజీ కెప్టెన్ సునీల్ గావస్కర్ చెప్పాడు. బెంగళూరు జట్టు వైఫల్యానికి ఇది ఓ కారణమని అభిప్రాయపడ్డాడు. విరాట్-డివిలియర్స్, ప్రతి మ్యాచ్లోనూ భారీగా పరుగులు చేసి ప్రత్యర్థిపై ఒత్తిడి తేవాల్సిందని అన్నాడు.
ప్లేఆఫ్స్లో భాగంగా శుక్రవారం జరిగిన ఎలిమినేటర్ మ్యాచ్లో హైదరాబాద్ చేతిలో ఓడిన ఆర్సీబీ.. సీజన్ నుంచి నిష్క్రమించింది. ఈ నేపథ్యంలో గావస్కర్ పై వ్యాఖ్యలు చేశాడు.
"ఐపీఎల్లో కోహ్లీ కొన్ని స్టాండర్డ్స్ను నమోదు చేశాడు. కానీ ఈ సీజన్లో వాటిని అందుకోవడం గాని, అధిగమించడం గానీ చేయలేకపోయాడు. బహుశా ఆర్సీబీ నిష్క్రమణకు అదీ ఓ కారణమేమో. బౌలింగ్ విభాగం బలహీనమైన సరే ఫించ్, దేవ్దత్ పడిక్కల్, కోహ్లీ, డివిలియర్స్ లాంటి అద్భుతమైన బ్యాట్స్మెన్ ఆ జట్టులో ఉన్నారు. అయితే ఐదో స్థానంలో సరైన ఆల్రౌండర్ ఉంటే విరాట్-ఏబీ లపై కొంతమేర ఒత్తిడి తగ్గుతుంది" -సునీల్ గావస్కర్, టీమ్ఇండియా మాజీ సారథి
మాజీ కెప్టెన్ సునీల్ గావస్కర్
బెంగళూరపై గెలిచిన హైదరాబాద్.. ఆదివారం జరిగే క్వాలిఫయర్-2లో దిల్లీతో తలపడనుంది. ఇందులో గెలిచిన జట్టు.. ఫైనల్లో ముంబయిని ఢీకొంటుంది. నవంబరు 10న ఈ మ్యాచ్ జరగనుంది.
ఇవీ చదవండి:
