ముంబయి ఇండియన్స్ కెప్టెన్‌ రోహిత్ శర్మ అరుదైన రికార్డు సాధించాడు. ఐపీఎల్ చరిత్రలో 5 వేల పరుగుల మార్కు అందుకున్న మూడో క్రికెటర్గా నిలిచాడు. విరాట్‌ కోహ్లీ, సురేశ్‌ రైనాలు ఇతడికంటే ముందున్నారు.
ఈ మ్యాచ్కు ముందు ఐపీఎల్లో 4,998 పరుగులతో ఉన్న రోహిత్.. పంజాబ్తో జరుగుతోన్న మ్యాచ్లో తాను ఎదుర్కొన్న తొలి బంతికే ఫోర్ బాది 5 వేల పరుగుల మార్కును చేరుకున్నాడు. విరాట్‌ కోహ్లీ 180 మ్యాచ్ల్లో 5,430 పరుగులతో అగ్రస్థానంలో ఉండగా, రైనా 193 మ్యాచ్ల్లో 5,368 పరుగులతో రెండో స్థానంలో నిలిచాడు. రోహిత్కు ఈ మ్యాచ్ 191వది. ఈ లీగ్లో హిట్మ్యాన్ ఒక సెంచరీతో పాటు 37 అర్ధ శతకాలు సాధించాడు.
