కింగ్స్ ఎలెవన్ పంజాబ్ హ్యాట్రిక్ విజయాన్ని అందుకుంది. దుబాయ్ వేదికగా జరిగిన మ్యాచ్లో దిల్లీ క్యాపిటల్స్పై ఐదు వికెట్ల తేడాతో విజయం సాధించింది. 165 పరుగుల లక్ష్యంతో బరిలో దిగిన పంజాబ్ ఐదు వికెట్లు కోల్పోయి లక్ష్యాన్ని ఛేదించింది. విజయంలో నికోలస్ పూరన్(53), మ్యాక్స్వెల్(32) క్రీలక పాత్ర పోషించారు. మిగితా వారు నామమాత్రంగా రాణించారు. ఏదేమైనప్పటికీ ఈ విజయంతో ప్లేఆఫ్ అవకాశాలను సజీవంగానే ఉంచుకుంది. పాయింట్లతో పట్టికలో ఐదో స్థానానికి ఎగబాకింది. రన్‌రేట్‌ను మెరుగుపర్చుకుంది. దిల్లీ బౌలర్లలో రబాడా(2), అక్సర్ పటేల్, అశ్విన్ తలో వికెట్ తీశారు.
అంతకముందు టాస్ గెలిచి బ్యాటింగ్కు దిగిన దల్లీ క్యాపిటల్స్లో ధావన్ మళ్లీ శతకంతో గర్జించాడు. ఐపీఎల్‌ చరిత్రలో వరుసగా రెండు సెంచరీలు బాదిన ఏకైక ఆటగాడిగా శిఖర్‌ ధావన్ చరిత్ర సృష్టించాడు. 61 బంతుల్లోనే 12 బౌండరీలు, 3 సిక్సర్ల సాయంతో 106 పరుగులతో అజేయంగా నిలిచాడు. శ్రేయస్‌ అయ్యర్‌ (14), రిషభ్ పంత్‌ (14) కాసేపు అతడికి తోడుగా నిలిచారు. మిగితా వారు విఫలమైపోయారు. దీంతో 20 ఓవర్లకు దిల్లీ 164 పరుగులు చేసింది. పంజాబ్ బౌలర్లలో షమీ(2), మ్యాక్స్వెల్, అశ్విన్, నీషమ్ తలో వికెట్ తీశారు.
