ముంబయిపై గెలిచి చెన్నై పరువు నిలుపుకొంటుందా?

షార్జా వేదికగా ముంబయి, చెన్నై జట్ల మధ్య శుక్రవారం మ్యాచ్ జరగనుంది. భారతకాలమానం ప్రకారం రాత్రి ఏడున్నరకు ప్రారంభం కానుంది.

చెన్నై ముంబయి మ్యాచ్

Published : Oct 23, 2020, 5:30 AM IST

ఈ సీజన్లో ఘోరంగా ఆడుతున్న చెన్నై సూపర్కింగ్స్.. శుక్రవారం జరిగే మ్యాచ్లో ముంబయి ఇండియన్స్తో తలపడనుంది. ఇప్పటికే ఫ్లేఆఫ్స్ నుంచి దాదాపుగా తప్పుకున్న సీఎస్కే.. ఈరోజు గెలిచి పరువు నిలుపుకోవాలని భావిస్తోంది. మరి ఏమవుతుందో చూడాలి.

చెన్నై సూపర్కింగ్స్

గత మ్యాచ్తో పాటు అంతకు ముందు మ్యాచ్ల్లోనూ నిలకడలేని ప్రదర్శనలు చేస్తూ ఓటములు చవిచూసింది చెన్నై. బ్యాటింగ్, బౌలింగ్.. రెండు విభాగాల్లోనూ కనీసం ఒక్కరంటే ఒక్కరు కూడా దూకుడుగా ఆడలేకపోతున్నారు. దీంతో 10 మ్యాచ్ల్లో మూడింట్లోనే గెలిచింది. మిగిలిన మ్యాచ్ల్లో చెన్నై గెలవాలంటే అద్భుతమే జరగాలి!

మరోవైపు ముంబయి జట్టు.. ఆరు మ్యాచ్ల్లో విజయం సాధించి, ఫ్లే ఆఫ్స్లోకి వెళ్లేందుకు దిల్లీ, బెంగళూరుతో పోటీ పడుతోంది. జట్టులో అందరూ ఫామ్లో ఉండటం వీరికి కలిసొచ్చే అంశం. కాకపోతే ఇదే సీజన్లో చెన్నైతో జరిగిన ప్రారంభ మ్యాచ్లో ఓడిపోయింది రోహిత్ సేన. ఇప్పుడు ఏం జరుగుతుందో చూడాలి.